16:13 / 10.03.2021
578

Himoyaga muhtoj ayollar va yoshlarning muammolari joyida o‘rganildi

Himoyaga muhtoj ayollar va yoshlarning muammolari joyida o‘rganildi
Yurtimizda “Ayollar daftari” va “Yoshlar daftari”ga kiritilgan ayollar va yoshlarning muammolarini joyida o‘rganish, muammolar yechimi bo‘yicha chora-tadbirlar ishlab chiqish bugungi davr talabi sifatida maydonga chiqib kelayotgani barchamizga ma’lumdir.

O‘zbekiston Respublikasi Prezidenti tomonidan “Ayollar daftari”ni shakllantirish ishlarini yanada jadallashtirish va ayollar bilan ishlash tizimi samaradorligini oshirish bo‘yicha bergan topshiriqlariga ko‘ra, “Ayollar daftari”ni yuritish orqali xotin-qizlar muammolarini tizimli ravishda hal etish va ularni ijtimoiy qo‘llab-quvvatlash bo‘yicha vaqtinchalik tartib ishlab chiqilganligi, shu munosabat bilan xotin-qizlar va yoshlarning muammolarini tizimli hal etish va ularni qo‘llab-quvvatlash maqsadida 2021 yilning 06 mart kuni Konimex tumani, “Sho‘rtepa” MFY binosida mahallada istiqomat qiluvchi xotin-qizlar va yoshlar muammolarini hal qilish maqsadida sayyor qabul tashkil qilindi.

Konimex tuman prokurori I.Babomuratov, jinoyat ishlari bo‘yicha Konimex tuman sudi raisi F.Qahorov va Navbahor tumanlararo iqtisodiy sudi raisi Sh.Xamidovlar tomonidan “Ayollar daftari” ro‘yxatida turuvchi ayollarning 10 dan ortiq murojaatlari o‘rganilib, mazkur murojaatlar mualliflariga tegishli huquqiy tushuntirishlar berilib, murojaatlarda ko‘rsatilgan muammolar yechimi yuzasidan tegishli tashkilotlarga murojaat qilish yuzasidan ko‘rsatmalar berildi. Shuningdek, sayyor qabulga kelgan ayollarga 8 mart Xalqaro xotin-qizlar bayrami munosabati esdalik sovg‘alar berildi.

“Ayollar daftari” ro‘yxatiga kiritilgan ayollarning muammolari bo‘yicha manzilli chora-tadbir rejasi tuzilganligi, ushbu reja ijrosi bo‘yicha har bir mahallada sayyor qabul tashkil qilinishi, ushbu sayyor qabullar davom ettirilishi ma’lum qilindi.

Jinoyat ishlari bo‘yicha Konimex
tuman sudi raisi
F.Qahorov


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Jamiyat » Himoyaga muhtoj ayollar va yoshlarning muammolari joyida o‘rganildi