Parkentda tormozi ishdan chiqqan Howo yuk mashinasi 7 ta avtomobil bilan to‘qnashdi

^{Foto: YHXBB matbuot xizmati}
Toshkent viloyatining Parkent tumanida 8 ta avtomobil ishtirokida YTH sodir bo‘ldi. Bu haqda YHXBB matbuot xizmati xabar berdi.

Ma’lum qilinishicha, voqea 17 iyul kuni soat 15:00 larda Parkent—Kumushkon yo‘lida yuz bergan. 1990 yilda tug‘ilgan M.A. Howo yuk mashinasida harakatlanib ketayotgan vaqtda tormoz tizimi ishdan chiqib, boshqaruvni yo‘qotgan va 7 ta: «GAZ-24», 2 ta Spark, Nexia, Lacetti, «Gazel» va «VAZ-2106» («Jiguli» ) avtomobillari bilan to‘qnashgan.

Viloyat IIB matbuot xizmati xabarida qayd etilishicha, YTH oqibatida «Jiguli» haydovchisi va uning 3 nafar yo‘lovchisi turli tan jarohatlari olib, tuman tibbiyot birlashmasiga murojaat qilgan va ularga birinchi tibbiy yordam ko‘rsatilgan. Hozirda ularga uylariga javob berilgan.

<sup>Foto: YHXBB matbuot xizmati

Foto: YHXBB matbuot xizmati

Foto: YHXBB matbuot xizmati</sup>
Mazkur YTH yuzasidan Parkent tumani IIB huzuridagi TB tomonidan surishtiruv harakatlari olib borilmoqda. “Zamin”ni Telegramʻda oʻqing!