Surxondaryoda Malibu haydovchisi harakatlanib ketayotgan «KamAZ»ga qarata to‘pponchadan o‘q uzdi

Surxondaryo viloyati Boysun tumanida Malibu haydovchisi harakatlanib ketayotgan «KamAZ»ga pnevmatik to‘pponchadan o‘q uzdi. Bu haqda viloyat IIB matbuot xizmati xabar berdi.

Voqea 27 avgust kuni soat 16:34 larda tumanning «Shifobuloq» mahallasi hududidan o‘tuvchi M-39 avtomobil yo‘lida yuz began. M.D. Malibu’ni boshqarib borib, shu yo‘lda harakatlanib ketayotgan M.A. boshqaruvidagi «KamAZ» yuk mashinasiga o‘zida bo‘lgan pnevmatik to‘pponcha bilan 2 marotaba o‘q uzgan.

28 avgust kuni D.M.ga nisbatan Jinoyat kodeksining 277-moddasi 3-qismi «b» bandi (o‘qotar qurolni namoyish qilib, uni qo‘llash bilan qo‘rqitib yoki qo‘llab bezorilik sodir etish) bilan jinoyat ishi qo‘zg‘atilgan.

Pnevmatik to‘pponcha, 1 dona magazin va o‘qlar tekshirish uchun hujjatlashtirib olingan. “Zamin” yangiliklarini “Telegram”da kuzatib boring