Prezident qaysi mavzuda istalgan odam bilan bahs qilishi mumkinligini aytdi?

^{Foto: Prezident matbuot xizmati.}
Prezidentlikka nomzod Shavkat Mirziyoyev ayni vaqtda Namangan viloyatida bo‘lib turibdi. Amaldagi davlat raxbari saylovchilar bilan uchrashuv vaqtida kelgusi rejalarni ma’lum qildi.

— Oxirgi yillarda sanoatni rivojlantirish uchun ko‘p ishlarni amalga oshirdik. Ammo endi bu ishlar tarixda qoldi. Biz yanada oldinga yurishimiz kerak.

Uzoq yillar egilib paxta ekdik va paxta terdik, biroq birimiz ikki bo‘lmadi. Bo‘lmadi! Agar kimdir bu gapga rozi bo‘lmasa, marhamat, kelsin, istagancha baxs qilishim mumkin.

Men Jizzax va Samarqandda xokim bo‘lganman, ishim faqat paxta tayyorlash edi. Ammo shuncha paxta ekib xalqqa bir so‘m daromad bera olmadik. Xar yili shu vaqtda xammamiz paxta terayotgan bo‘lardik.

Qariyalarni dalaga kiritib: «Nuroniylar paxta termoqda», degan balandparvoz gaplar bilan televizorda ko‘rsatardik.
Endi u kunlar ortda qoldi, — dedi Shavkat Mirziyoyev. “Zamin” yangiliklarini “Odnoklassniki”da kuzatib boring