«Toshkent metropoliteni faoliyatining samaradorligini oshirish chora-tadbirlari to‘g‘risida»gi Prezident qarori qabul qilindi, deb xabar beradi Telegram’dagi «Huquqiy axborot» kanali.
Qarorga muvofiq, Toshkent metropoliteni UK «O‘zbekiston temir yo‘llari» AJ tarkibidan Transport vazirligi tizimiga o‘tkazilib, «Toshkent metropoliteni» davlat unitar korxonasiga o‘zgartirildi. Toshkent metropoliteni DUK boshlig‘i Vazirlar Mahkamasi bilan kelishilgan holda transport vaziri tomonidan lavozimga tayinlanadi.
Shuningdek, Toshkent metropoliteni 2024 yil 1 yanvargacha respublikada ishlab chiqarilmaydigan va tegishli ro‘yxat bo‘yicha import tovarlarni olib kirishda bojxona to‘lovlaridan (qo‘shilgan qiymat solig‘i va bojxona yig‘imlaridan tashqari) ozod etiladi.
Qaror bilan 2021–2023 yillarda Toshkent metropolitenida yo‘lovchi tashish va poyezdlar harakati xavfsizligini ta’minlashga qaratilgan birinchi navbatdagi chora-tadbirlar rejasi tasdiqlangan.
Toshkent metropoliteni Vazirlar Mahkamasining 2016 yil oktabrdagi qarori bilan «O‘zbekiston temir yo‘llari» tarkibiga kiritilgan edi. Uning rahbari bir vaqtning o‘zida «O‘zbekiston temir yo‘llari» boshqaruv raisi o‘rinbosari hisoblanadi. Undan avval metropolitan poytaxt yo‘lovchi transportini boshqaruvchi «Toshshahartransxizmat» kompaniyasi tarkibida bo‘lgan.
Hozirda metropolitenning boshlig‘i va «O‘zbekiston temir yo‘llari» raisining o‘rinbosari lavozimida Toshkentning sobiq hokimi Rahmonbek Usmonov ishlab kelmoqda. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi