Alimentdan qarzdor ota jinoiy javobgarlikka tortilib, ish bilan ta’minlandi va aliment undiruvi ish haqiga qaratildi

Fuqarolik ishlari bo‘yicha Nukus tumanlararo sudining 04.04.2019 yilgi ijro varaqasiga asosan, qarzdor I.A. dan undiruvchi G.Imamalikovaning foydasiga bir nafar farzandining moddiy ta’minoti uchun qarzdorning oylik daromadining ¼ qismi miqdorida aliment undirish belgilangan.

Mazkur ijro hujjati, Byuroning Xo‘jayli tuman bo‘limi ish yurituvida bo‘lib, davlat ijrochilarining ogohlantirishlariga qaramasdan qarzdor ota 2020 yil fevral oyidan sentabr oyiga qadar aliment nafaqasi to‘lashdan bosh tortib kelgan.

Shu sababli, qarzdor I.A.ga 18.09.2020 yilda 15 (o‘n besh) sutka ma’muriy qamoq jazosiga tortilganligiga qaramasdan, keyinchalik ham, bir necha marta ogohlantirish berilganligiga qaramasdan, shu kunga qadar aliment nafaqasi to‘lashdan bosh tortib kelgan.

Oqibatda, bo‘lim tomonidan tegishli hujjatlar toplanib, qarzdorni O‘zbekiston Respublikasi Jinoyat Kodeksining 122-moddasiga asosan jinoiy javoblarlikga tortish uchun Jinoyat ishlari bo‘yicha sudiga ish hujjatlari yuborilib, unga nisbatan mazkur modda bilan aybli deb topilib, 1 yil ahloq tuzatish jazo chorasi ko‘rilgan hamda uning bandligi ta’minlanib oylik daromadining 50% miqdori aliment majburiyati va 10% davlat foydasiga qaratilgan. “Zamin” yangiliklarini “Facebook”da kuzatib boring