O‘zbekistonda hozirga qadar COVID-19 ning to‘rtta shtammi aniqlangan. Bu haqda Innovatsion rivojlanish vazirligi xabar berdi.
Ma’lum qilinishicha, 2021 yilning boshi va birinchi choragida koronavirusning alfa shtammi tarqalishi kuzatilgan bo‘lsa, shu yilning ikkinchi yarmida delta shtammi keng tarqalgan.
«Hozirga kelib esa ilgari qayd etilmagan yangi mutatsiyalar aniqlanmoqda, bu bosqichda ma’lumotlar umumlashtiriladi va ularning bioinformatik tahlili, shuningdek, tadqiqot natijalari nashrga tayyorlanadi», — deyiladi xabarda.
Ilg‘or texnologiyalar markazi direktori o‘rinbosari professor Alisher Abdullayevning fikricha, O‘zbekistonda COVID-19 ning to‘rtta shtammi mavjud. Ularning bittasi «asl» Uxan shtammiga yaqin, u koronavirusga chalinganlarning taxminan 1 foizida aniqlangan. 20A shtammi esa 7 holatda kuzatilmoqda. Shuningdek, yana bir turi «britancha» shtamm bo‘lib, u esa taxminan 10 foizda qayd etilgan. Shu bilan birga, bemorlarning 82 foizdan ortig‘i — delta shtammi («hindcha») bilan zararlangan.
Eslatib o‘tamiz, 2021 yil 30 yanvar kuni koronavirusning «britancha» shtammi O‘zbekistonga kirib kelgani ma’lum bo‘lgandi. U 23 yanvar kuni Dubaydan qaytib kelgan 10 yoshli qizchada aniqlangan. SSV esa koronavirusning yangi shtammi aniqlangan qizcha haqida nima uchun 1 haftadan keyin e’lon qilinganiga izoh bergandi. 17 aprel kuni bosh vazir Abdulla Aripov boshchiligida koronavirusga qarshi kurash komissiyasining kengaytirilgan yig‘ilishida O‘zbekistonga koronavirusning «afrikacha» shtammi kirib kelgani aytilgandi. Iyun oxirlarida O‘zbekistonda koronavirusning «hindcha» shtammi aniqlangan edi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekistonda zilzilaga tayyorgarlik kuchaytiriladi
«Real Madrid» ustozi Karlo Anchelotti kechagi g‘alabadan so‘ng nimalar dedi?
Erdo‘g‘on: «Isroil Gitlerdan ham o‘tib ketdi»
Biznes imkoniyatingizni kengaytiring
Qondagi shakar miqdorini tartibga soluvchi foydali meva nomi aytildi
Zelenskiy: Rossiya Ukrainaning issiqlik energetikasini deyarli to‘liq yakson qildi
Qozog‘istonlik milliarderlar suv toshqinidan zarar ko‘rgan hududlarga mablag‘ ajratdi
Tadbirkorlarga qo‘llanadigan moliyaviy jarima kamaytiriladi