15 yanvardan O‘zbekistonga kirishda yangi cheklovlar amal qiladi

^{Foto: Uzbekistan Airways}
Respublika maxsus komissiyasi O‘zbekistonda koronavirusning yangi shtammi omikron kirib kelishi munosabati bilan 9 yanvar kuni navbatdagi cheklov choralarini e’lon qilgandi.

Unga ko‘ra, 15 yanvardan:

• Xorijdan kirib keluvchilar (avtomobil harakati bundan mustasno) manfiy natija bergan PSR-test to‘g‘risidagi ma’lumotnomaga ega bo‘lishi kerak (kamida 48 soat oldin olingan).
  
• Agar PSR-test bo‘lmasa, aeroport/vokzal/chegara o‘tkazish punktlarida ekspress test topshirishi shart bo‘ladi.

Shuningdek, Umra ziyoratidan qaytadigan O‘zbekiston fuqarolari Saudiya Arabistoni hududida PSR- yoki ekspress-test topshiradi. Test natijalari o‘zbek tibbiyot xodimlari tomonidan olinadi. O‘zbekistonga faqat manfiy natija ko‘rsatgan holda qaytish mumkin.

Eslatib o‘tamiz, 7 yanvar kuni Dubaydan Toshkentga kelgan reys yo‘lovchisida koronavirusning yangi shtammi aniqlangandi. So‘nggi hafta davomida mamlakatda kunlik kasallanish ko‘rsatkichlari ortib bormoqda - so‘nggi kunda 714 kishiga tashxis qo‘yilgan (bir kun oldingi ko‘rsatkich 604ta edi). “Zamin”ni Telegramʻda oʻqing!