O‘zbekistonda uch oy ichida 3 ta yangi issiqlik elektr stansiyasi ishga tushirildi

^{Buxoro viloyatidagi IES
Foto: Energetika vazirligi}
2022 yilning o‘tgan uch oyi davomida O‘zbekistonning 3 ta viloyatida umumiy quvvati 684 MVt bo‘lgan 3 ta yangi issiqlik elektr stansiyasi ishga tushirildi, deb xabar beradi Energetik vazirligi.

Xususan:

• 11 yanvar kuni Buxoro viloyatining Buxoro tumanida quvvati 270 MVt bo‘lgan gaz-porshenli issiqlik elektr stansiyasi;
  
• 14 yanvar kuni Toshkent viloyatining Qibray tumanida quvvati 240 MVt bo‘lgan bug‘-gaz qurilmasi;
  
• 10 mart kuni Xorazm viloyatining Yangiariq tumanida quvvati 174 MVt bo‘lgan yangi issiqlik elektr stansiyasi ishga tushirilgan.

Ushbu 3 ta elektr stansiya yiliga 5 milliard 600 million kilovatt/soat elektr energiyasi ishlab chiqaradi. Qurilmalarning energiya tejamkorligi hisobiga yiliga 725 million metr kub tabiiy gaz tejalishiga erishiladi.

Tejalgan tabiiy gaz hisobiga qo‘shimcha 2 milliard 700 million kilovatt/soat elektr energiyasi ishlab chiqarish imkoni yaratiladi.

Ma’lumot uchun, mart oyi yakuniga qadar Toshkent viloyatining Qibray tumanida quvvati 230 MVt bo‘lgan navbatdagi, ya’ni to‘rtinchi yangi issiqlik elektr stansiyasi ishga tushiriladi.

Issiqlik elektr stansiyasi1, Energetika vazirligi1, Elektr energiyasi1, Elektr energiyasi ishlab chiqarish1 “Zamin” yangiliklarini “Telegram”da kuzatib boring