32 yoshli xonanda va aktrisa Selena Gomes rasman milliarderga aylangani haqidagi xabarlarga nisbatan o‘z munosabatini bildirdi. Yulduz asos solgan Rare Beauty kosmetika kompaniyasidan milliardlab daromad olishiga qaramay, o‘zini doimo kamtarona tutadi, biroq badavlat bo‘lishning ayrim jihatlarini yoqtirmasligini tan oladi.
Foto: People Talk
Selenaning so‘zlariga ko‘ra, xonanda o‘zining moliyaviy ahvoli, daromadi va, umuman olganda, pul to‘g‘risida gapirishni yomon ko‘radi. Gomes bu yoshda milliarderga aylangani va butun dunyoga tanilgani katta muvaffaqiyat bo‘lsa-da, u bularni hayotdagi eng muhim yutuq deb bilmaydi.
Nyu Yorkda bo‘lib o‘tgan kinofestivalda Entertainment Tonight nashriga bergan intervyusida xonanda shunday dedi:
“Shaxsan menga pul haqida gapirish juda yoqimsiz holatdir, lekin mening kosmetika tovarlarimni sotib oladigan insonlardan minnatdorman. Ular mening orzumni amalga oshirmoqda”.
Foto: The Independent
Ammo Selena Gomes o‘zining yangi bilimlarni egallagani to‘g‘risida faxr bilan gapiradi. Xususan, u yaqinda ispan tilida erkin so‘zlasha boshlagan va bu iste’dodni xonanda o‘ziga xos ne’mat deb biladi.
Bloomberg nashri hisob-kitoblariga ko‘ra, Gomesning boyligi 1,3 milliard dollarga yetgan. Daromadining katta qismi besh yil avval ishga tushirilgan Rare Beauty kosmetika kompaniyasiga to‘g‘ri keladi. Shuningdek, u musiqiy albomlar sotuvidan tushgan mablag‘lar, ko‘chmas mulklar, striming xizmatlari bilan tuzilgan shartnomalardan olingan gonorarlar, brendlar bilan hamkorlik bitimlari va konsertlari orqali yuqori daromadga ega bo‘lgan. Bundan tashqari, qo‘shiqchi ruhiy muammolarga duch kelgan insonlarni qo‘llab-quvvatlash va ruhiy salomatlik sohasidagi tadqiqotlar bilan shug‘ullanuvchi Wondermind startapining ham asoschisidir.
Selena Gomes, Gomesning boyligi, kosmetika kompaniyasi “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Xonanda Ruxshona uylanmagan yigitga turmushga chiqqani haqida so‘zlab berdi
22 noyabr kuni Cobalt avtomobiliga shartnoma ochilishi e’lon qilindi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Lukashenko agar norozilik namoyishlari bo‘lsa, Belarusda internetni butunlay “uzish” bilan tahdid qildi
