"Wednesday" treyleri namoyish etildi: ikkinchi mavsumda nimalar kutmoqda?

Netflix platformasida keng mashhurlikka erishgan «Wednesday» serialining ikkinchi mavsumi uchun rasman to‘liq treyler namoyish etildi. Jonli muhokamalarga sabab bo‘lgan videorolikda bosh qahramon — Eddamslar avlodining ajralmas a’zosi Wednesday yangi xavfli va sirli voqealarga to‘liq muhitga qadam qo‘yadi, deb Kursiv.media sayti ma’lum qildi.

Yangi treyler Wednesday'ni yana «Nevermore» akademiyasiga qaytgan holda namoyon etadi. Bu gal u nafaqat o‘zining, balki sevgan insonining hayoti uchun ham kurashishiga to‘g‘ri keladi. Akademiya devorlari orasida yana tahdidli sirlar yashiringan — va ular har qadamda Wednesday'ni kutib turibdi.

Bosh rol ijrosini amalga oshirgan Jenna Ortega intervyusida ta’kidlashicha, yangi mavsum slasher, ya’ni «qo‘rquv va jangovar triller» uslubidan ilhom olgan. Demak, bu safar Wednesday ko‘proq jiddiy, dramatik va hayajonli sahnalarda namoyon bo‘ladi.

Netflix platformasi tomonidan serialning ikkinchi faslining chiqish sanasi aniq ko‘rsatilmagan bo‘lsa-da, yaqin kunlarda namoyish etilishi kutilmoqda.

«Wednesday» seriali 2022 yilda ilk bor namoyish etilgan va qisqa muddat ichida jahon bo‘ylab millionlab muxlislarni o‘ziga maftun etgan edi. Unda g‘alati va kutilmagan shijoat bilan harakat qiladigan Wednesday Addams obrazi nafaqat tinchlikni buzadi, balki haqiqatni ochish uchun hech narsadan qaytmaydi. “Zamin”ni Telegramʻda oʻqing!