O‘zbekistonda xizmat ko‘rsatgan artist Dilnoza Kubayeva doim o‘z qadriyatlariga sodiq, prinsipial va haqiqatparast ayol sifatida tanilgan. Xonanda so‘nggi paytlarda ijtimoiy tarmoqlarda ko‘payib ketgan soxta sahifalar haqida fikr bildirdi.
— “Instagram'da soxta Dilnozalar paydo bo‘lib, hatto 'pul ishlash' darajasigacha yetib kelishdi. Ayrimlari tadbirlar uchun odamlardan oldindan to‘lovlar ham olgan,” — deydi Dilnoza.
Uning so‘zlariga ko‘ra, bu holat yuz bergan paytda u vaziyatga jiddiy yondashgan:
— “Avvalo odamlarni ogohlantirishdan boshladim. Keyin esa barchani bu soxta akkauntlarni bloklashga chaqirdim. Menimcha, bunday holatlarda birinchi qadam — ogohlantirish. Ammo agar ochiqchasiga hurmatsizlik yoki aldov bo‘lsa, albatta, qonunga murojaat qilish lozim,” — dedi aktrisa.
Dilnoza Kubayevaning bu qat’iy munosabati muxlislar tomonidan qo‘llab-quvvatlandi va ijtimoiy tarmoqlarda qizg‘in muhokamaga sabab bo‘ldi.
“Zamin”ni Telegramʻda oʻqing!
