AQSHning Los Anjeles shahrida mashhur xonanda Rianna yashaydigan hashamatli qasr o'qqa tutildi. Hodisa yuz bergan vaqtda xonanda uy ichida bo'lgani ma'lum qilindi. Politsiya departamenti bergan ma'lumotlarga ko'ra, noma'lum ayol shaxs AR 15 rusumli miltiqdan foydalanib, xonandaning uyiga qarata bir necha bor o'q uzgan. Bu haqda tengrinews.kz xabar beradi.
Voqea joyiga yetib kelgan huquqni muhofaza qiluvchi organ xodimlari gumonlanuvchi ayolni qo'lga oldi. Dastlabki tekshiruvlarga ko'ra, o'qlar qasr hududining turli qismlariga kelib tekkan, biroq baxtli tasodif tufayli hech kim jabrlanmagan. Hozircha hujumning aniq sabablari noma'lumligicha qolmoqda. Ish bilan Los Anjeles politsiyasining qotillik va talonchilik bo'yicha maxsus bo'linmasi shug'ullanmoqda.
Rianna ushbu uyda o'zining turmush o'rtog'i, taniqli xip xop ijrochisi A$AP Rocky bilan birga istiqomat qiladi. Hujum vaqtida xonandaning oila a'zolari uyda bo'lgan yoki bo'lmagani haqida aniq ma'lumot berilmadi. Rianna nafaqat musiqiy olamdagi "Umbrella" va "Diamonds" kabi xitlari, balki "Fenty Beauty" brendi orqali moda va go'zallik sanoatida ham katta muvaffaqiyatlarga erishgan yulduz hisoblanadi. Politsiya tergov harakatlarini davom ettirmoqda.
[media=https://www.googletagmanager.com/ns.html?id=GTM-MX5M2R] “Zamin”ni Telegramʻda oʻqing!
