Turk seriallari 150 tadan ko‘proq davlatga eksport qilinadi va Turkiyaga yiliga 350 mln dollar daromad keltiradi. Bu haqda Turkiya madaniyat va turizm vaziri Mexmet Nuri Ersoy ma’lum qilgan.
Vazirning aytishicha, Turkiya seriallarni sotishdan olinadigan daromad miqdori bo‘yicha AQShdan keyin dunyoda 2-o‘rinni egallaydi. Vazir davlat prodyuserlik kompaniyalariga yordamni kengaytirishni rejalashtirayotganini qo‘shimcha qilgan.
Ersoyning ta’kidlashicha, uning topshirig‘i bilan yil oxirigacha seriallarni suratga olishni rag‘batlantirishning yangi mexanizmi ishlab chiqiladi. “Gap mahalliy va hamkorlikda olingan seriallarning xorijda namoyish qilinishi sharti bilan moliyaviy qo‘llab-quvvatlanishi haqida ketmoqda. Bundan tashqari, davlat Turkiyada suratga olinadigan xorijiy filmlar va seriallarning suratga olish xarajatlarining 30 foizgachasini qoplaydi.
Ersoyning ma’lum qilishicha, oxirgi yillarda xorijga 100 ga yaqin turk seriali sotilgan, turk seriallarini tomosha qiluvchilar soni esa 500 mln kishidan oshadi.
Turk seriallari Yaqin Sharq, Shimoliy Afrika, Sharqiy Yevropa, G‘arbiy Yevropa, AQSh va Lotin Amerikasi davlatlariga eksport qilinadi.
Bugungi kunda xorijda eng talabgir turk seriallari “Men uni Farixa deb atadim”, “Kumush”, “Fotmagulning aybi nimada?”, “Ezel” va “Sevgi iztirobi” (Kara Sevda) seriallari hisoblanadi.
Eslatib o‘tamiz, 15 oktyabrda “Tekden film” va “Bo‘zdag‘ film” boshqaruv kengashi raisi, turk rejissyori Mehmet Bo‘zdag‘ bilan “Jaloliddin Manguberdi” serialini suratga olish masalalariga bag‘ishlangan O‘zbekiston Respublikasi Madaniyat vazirligi hamda Xalqaro press-klubning matbuot anjumani tashkil etildi. Ayni kunlarda alohida qiziqish va e’tiroflarga sabab bo‘layotgan “Ertug‘rul” seriali rejissyori Mehmet Bo‘zdag‘, “Simit Sarayi” brendi sohibi, yirik tadbirkor-investor Xoluq O‘qutur, restoranlar sohasida tadbirkor, investor Umar Sayfi Aktulun, Strategik tafakkur instituti Vasiylik Kengashi a’zosi, “Dirilish-Ertug‘rul” serialining ilmiy maslahatchisi Sinan Tovuqchilardan iborat delegatsiyaning tashrif buyurishidan asosiy maqsad “Jaloliddin Manguberdi” tarixiy serialini tasvirga olish ishlarida hamkorlik borasida muzokara olib borishdan iborat. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Toshkentda 02 kodli avtoraqamlar taxminan qachon paydo bo‘lishi aytildi
Lukashenko G‘arbga tahdid bilan chiqdi
Ortiqcha vaznli insonlar uchun sog‘lom ovqatlanishning beshta muhim qoidasi
Sariqmi yoki yashil: qaysi turdagi banan foydaliroq?
Qaysi kundalik odatlar immunitet pasayishiga olib kelishini bilasizmi?
Vladimir Putin «Krokus»da sodir etilgan terakt uchun o‘ch olishga chaqirdi
