Prezidentning «2022–2026 yillarga mo‘ljallangan Yangi O‘zbekistonning taraqqiyot strategiyasini «Insonga e’tibor va sifatli ta’lim yili»da amalga oshirishga oid davlat dasturi to‘g‘risida»gi Farmoni loyihasiga ko‘ra, joriy yilda yangi uy-joylar qurish hajmi 2 barobarga oshiriladi, ya’ni 90 mingga yetkaziladi.
Qurilishi rejalashtirilayotgan yangi uylarning 53 tasi «Yangi O‘zbekiston» massivlarida, 161 tasi boshqa massivlarda, jumladan, xususiy pudrat tashkilotlari tomonidan bunyod etiladi.
Qayd etilishicha, 2022 yilda 44 mingta xonadon qurilib foydalanishga topshirilgan va mazkur hujjat bilan belgilanayotgan choralar amalga oshirilishi natijasida, 2023 yilda quriladigan xonadonlar soni o‘tgan yilga nisbatan kamida 100 foizga ko‘payadi.
Shuningdek, hujjat loyihasiga ko‘ra:
- 26 ming nafar fuqaroga bozor tamoyillariga asoslangan ipoteka kreditlari, shuningdek, 11 ming nafar fuqarolarga boshlang‘ich badal va foiz to‘lovlarining bir qismini qoplashga subsidiyalar ajratish uchun Davlat budjetidan yetarli mablag‘lar yo‘naltiriladi. Natijada, 2023 yilda aholiga ipoteka kreditlari doirasida boshlang‘ich badal va foiz to‘lovlarining bir qismini qoplashga 1 trln so‘m miqdorda subsidiya ajratiladi;
- joriy etilgan aholini bozor tamoyillari asosida ipoteka kreditlari orqali uy-joy bilan ta’minlashning yangi tartibi doirasida mulk huquqi asosida uy-joyga ega bo‘lmagan fuqarolar uchun Toshkent viloyatida tajriba-sinov tariqasida «Mening birinchi uyim» dasturi ishlab chiqilib, yo‘lga qo‘yiladi;
- xalqaro va mahalliy fond birjalarida «O‘zbekiston ipotekani qayta moliyalashtirish kompaniyasi» AJning ipoteka obligatsiyalarini chiqarish va joylashtirish hisobiga kompaniyaning ustav fondi 100 mln AQSH dollari ekvivalentiga yetkaziladi. Bunda, ipoteka obligatsiyalarini joylashtirish hisobiga jalb qilingan mablag‘lar ipoteka kreditlari uchun resurs sifatida banklarga joylashtiriladi.Natijada, aholiga qo‘shimcha 3 mingta ipoteka kreditlari ajratiladi.
Eslatib o‘tamiz, mazkur hujjat loyihasi muhokamasi joriy yil 6 fevralidan 17 fevraliga qadar davom etadi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Pentagon Ukraina yuzasidan kutilmagan muammoga duch keldi
Joze Mourino Yevro—2024 favoritlarini sanab o‘tdi
Hokimlik xodimi firibgarlik ortidan qo‘lga tushdi
AQSH Rossiyaga qarshi yangi sanksiyalar kiritdi
Yashirin iqtisodiyot bo‘yicha qaror loyihasi Tadbirkorlik kengashi takliflari asosida qayta ko‘rib chiqiladi
Kecha O‘zbekiston olimpiya terma jamoasiga g‘alaba uchun nima yetishmadi?
Germaniyada Rheinmetall qurol kompaniyasi rahbarining dachasi yoqib yuborildi
