11:57 / 08.08.2016
7 282

O‘zbekistonda ko‘chmas mulklar qayta ro‘yxatga olinadi

O‘zbekistonda ko‘chmas mulklar qayta ro‘yxatga olinadi
O‘zbekistonda jismoniy va yuridik shaxslarga tegishli ko‘chmas mulk inshootlari 2017-yil oxirigacha qayta ro‘yxatdan o‘tkaziladi. Bu amaliyot O‘zbekiston Vazirlar Mahkamasining 3-avgustda qabul qilgan qarori asosida tashkil etiladi. Qaror matni Lex.uz saytida e’lon qilingan. Bu haqda "Kun.uz" ma’lum qildi.

Hujjatda ta’kidlanishicha, ushbu amaliyotni o‘tkazishdan maqsad, kadastr hisobiga olishni takomillashtirish, jismoniy va yuridik shaxslarga tegishli ko‘chmas mulk (er uchastkalari, bino va inshootlar)dan foydalanganlik uchun ularga soliq solishni tartibga solishdan iborat.

Shu bilan birga, «elektron hukumat» tizimi doirasida «Kadastr va ko‘chmas mulkni ro‘yxatga olish tizimlarini modernizasiya qilish» loyihasi ham amalga oshiriladi. Barcha bino va inshootlar Respublika umumiy kadastr axborot tizimi hisobiga joylanadi.

Ro‘yxatga olish jarayonida er uchastkalari, binolar, inshootlar va ko‘p yillik daraxtzorlarning egalari, ulardan foydalanuvchilar, ijarachilar hamda ular egallab turgan er uchastkalarining maydonlari, bino va inshootlarning hajmi, daraxtlarning turi va soni aniqlanadi.

Mazkur qaror ijrosini ta’minlovchi ishchi guruhlarga ko‘chmas mulk inshootlarini tekshirish, er uchastkalarini suratga olish, bino va inshootlarning tashqi va ichki o‘lchamlarini o‘lchash, ko‘p yillik daraxtlarning turlari va sonlarini hisobga olish huquqi berilgan.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » O‘zbekiston » O‘zbekistonda ko‘chmas mulklar qayta ro‘yxatga olinadi