O‘zbekistonning qaysi shahrida havo eng toza ekani ma’lum bo‘ldi

^{© Sputnik / Aktan Temirkanov}
O‘zgidromet respublikaning barcha viloyat markaziy shaharlaridagi havo ifloslanishi reytingi taqdim etdi.

Ma’lumotlar 12ta viloyat markazlarida o‘rnatilgan avtomatik havo monitoring tizimlaridan olingan.

Xususan, 20 mart holatiga, havoning RM 2.5 zarrachalari bilan sutkalik ifloslanish bo‘yicha eng past ko‘rsatgich Toshkent shahrida – 9.31, ikkinchi o‘rinda Samarqand– 21.6, uchini o‘rinda Termizda – 21.8, qayd etilgan.

Mayda dispers zarrachalar eng yuqori ko‘rsatgichi Navoiy shaharda qayd etilgan — 92.1, Andijonda — 87,5.

Guliston va Nurafshon shaharlarida RM 2.5 zarrachalari miqdori 50 atrofida bo‘lgan.

Uzb_Meteo telegram kanali yozishiga ko‘ra, Namangan va Andijonda PM 2.5 zarrachalaridan tashqari havoni ifloslantiruvchi boshqa moddalar ham aniqlangan. Xususan uglerod oksidi, azot oksidi va azot dioksidi boshqa shaharlarga nisbatan yuqori ekani qayd etilgan.

Shunga qaramay, 20 mart kuni barcha shaharlarda sutkalik havo ifloslanish SanPiN me’yorlaridan past bo‘lgan. Faqat Navoiy shahrida RM-10 mayda zarrchalar ruxsat etilgan me’yordan yuqori bo‘lgan.

Ma’lumot uchun, havo sifatini monitoring qilib boruvchi avtomatik stansiyalar "Zamin fond" ko‘magida o‘rnatilgan. “Zamin” yangiliklarini “Instagram”da kuzatib boring