Foto: Dunyo
Oʻzbekiston elchisi Alisher Toʻxtayev Pokistonning Muslim Institute tahlil markazi direktori oʻrinbosari Asif Tanvir bilan bilan uchrashdi.
Muloqot chogʻida Oʻzbekiston va Pokiston tahliliy markazlari oʻrtasida hamkorlikni yoʻlga qoʻyish, qoʻshma tadqiqotlar va tadbirlarni oʻtkazish masalalarini muhokama qilindi.
Ekspert Oʻzbekiston rahbariyatining mintaqaviy bogʻliqlik tashabbusi nafaqat davlatlar oʻrtasida strategik aloqalarni chuqurlashtirish uchun muhim, balki ikki xalqni qayta birlashtiruvchi umumiy harakatlar dasturi boʻlib xizmat qilishini ta'kidladi.
Shu jihatdan Muslim Institute Oʻzbekiston tahlil markazlari va ekspertlari bilan hamkorlikni yoʻlga qoʻyish, ikki tomonlama aloqalarni rivojlantirishga qaratilgan istiqbolli tadbirlar va tadqiqotlarni tashkil etishga qiziqish bildirdi.
Oʻzbekiston "aql markazlari" bilan onlayn-uchrashuvlar, qoʻshma tadbirlar va oʻzaro tashriflarni tashkillashtirishga kelishib olindi. Jumladan, Pokiston tomoni 2025 yil mart oyida Islomobodda oʻzaro munosabatlarning ustuvor yoʻnalishiga bagʻishlangan qoʻshma ilmiy-amaliy seminar oʻtkazish tashabbusini ilgari surdi.
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
