O‘zbekistonda II jahon urushi qatnashchilari va ularga tenglashtirilgan faxriylar necha kishini tashkil qiladi?

Mudofaa vazirligining ma’lum qilishicha, O‘zbekiston II jahon urushi davrida (1939-1945 yillar) 6,5 million aholiga ega bo‘lgan va 1 million 951 mingdan ortiq kishini frontga jo‘natgan. Ulardan 538 ming nafari frontda halok bo‘lgan.

Urush davrida O‘zbekiston muhim frontorti markaziga aylangan. Bu yerda 280 ta yangi korxona barpo etilgan, harbiy mahsulotlar ishlab chiqarish yo‘lga qo‘yilgan, respublika 1,5 milliondan ortiq evakuatsiya qilinganlarni, jumladan, 250 ming yetim bolani bag‘riga olgan.

Qayd qilinishicha, bugungi kunda O‘zbekistonda II jahon urushi qatnashchilari va ularga tenglashtirilgan faxriylar 82 nafarni tashkil qiladi. Ularning eng ulug‘i 114 yoshni qarshilagan.

Avvalroq, prezident Shavkat Mirziyoyev II jahon urushi qatnashchilarini rag‘batlantirish to‘g‘risidagi farmonni imzoladi. Unga ko‘ra, urush qatnashchilariga 10 ming dollardan, Ikkinchi jahon urushi qatnashchilariga tenglashtirilgan shaxslarning har biriga 25 mln so‘mdan bir martalik pul mukofoti beriladi. “Zamin”ni Telegramʻda oʻqing!