O‘zbekistonda blogerlar faoliyati qanday tartibga solinadi?

Hozirgi kunda internet, ijtimoiy tarmoqlar va axborot muhitida o‘z o‘rniga ega bo‘lgan blogerlar faoliyati mamlakatimizda qanday huquqiy asoslarga ega ekanligi haqida ko‘pchilik qiziqmoqda. Shu o‘rinda, blogerlikning huquqiy jihatlari, mavjud qonunchilikdagi tartiblar haqida ma’lumot berib o‘tamiz.

O‘zbekistonda hozircha blogerlarning faoliyatini bevosita tartibga soluvchi alohida bir qonun mavjud emas. Ular asosan mamlakatdagi axborot sohasi va internet tizimini tartibga soluvchi umumiy qonunchilik doirasida faoliyat olib borishadi.

Jumladan, mamlakatdagi OAVlarning faoliyatini nazorat qiluvchi “Ommaviy axborot vositalari to‘g‘risida”gi qonun mavjud bo‘lib, blogerlar rasman ommaviy axborot vositalariga kirmaydi. Biroq blogerlar keng auditoriya uchun ma’lumot tarqatgani sababli, ayrim hollarda ularga nisbatan ham ommaviy axborot vositalari uchun belgilangan javobgarliklar qo‘llanilishi mumkin.

“Axborotlashtirish to‘g‘risida”gi qonunga ko‘ra, internetda ma’lumot tarqatayotgan har bir shaxs, jumladan, blogerlar ham faqat qonunga zid bo‘lmagan, ishonchli va tasdiqlangan ma’lumotlarni tarqatishlari lozim. Ular o‘z faoliyatida boshqa shaxslarning shaxsiy hayoti daxlsizligini hurmat qilishi va asossiz yoki tasdiqlanmagan ma’lumotlarni tarqatmasligi shart.

Shuningdek, O‘zbekiston Respublikasi Adliya vazirligi va Axborot va ommaviy kommunikatsiyalar agentligi tomonidan chiqariladigan tartib, ko‘rsatmalar va qo‘llanmalarda blogerlarning mas’uliyati, huquq va majburiyatlari ham ko‘rsatib o‘tiladi.

Yana bir muhim jihat — agar bloger o‘z faoliyati orqali muntazam ravishda daromad topadigan bo‘lsa (reklama, homiylik yoki boshqa xizmatlardan tushgan mablag‘), u soliq to‘lash majburiyatiga ham ega bo‘ladi.

Xulosa qilib aytganda, O‘zbekistonda blogerlar o‘z faoliyatini qonunchilik talablari asosida yuritishi, jamoatchilikka tarqatiladigan har qanday axborot uchun javobgar ekanligini anglashi lozim. “Zamin”ni Telegramʻda oʻqing!