20:08 / 19.03.2015
6 922

Bir yigitni Toshkent Davlat yuridik universitetiga o‘qishga kiritish uchun 40 ming dollar so‘rashdi

Bir yigitni Toshkent Davlat yuridik universitetiga o‘qishga kiritish uchun 40 ming dollar so‘rashdi
Bir ayol ukasini Toshkent Davlat yuridik universitetida ta’lim olishini orzu qilishi haqida bozorda tanishgan bir ayolga gap ochdi. U esa qo‘shnisi abiturientlarni o‘qishga kiritish bilan shug‘ullanishini ma’lum qildi, deb xabar beradi «Huquq» gazetasi.

Shundan so‘ng, ular «Ganga» do‘konining yonida «hojatbaror» qo‘shni bilan uchrashdi. U kishi ayolga ukasini istagan ta’lim muassasasi – «yuridikka, moliyaga yoki milliyning huquqshunoslik fakultetiga kiritib qo‘ya olishini, farqi faqat narxda ekanligini» aytdi. Ayol ushbu balandparvoz so‘zlardan biroz cho‘chidi, biroq sir boy bermay, yuridik universitet ham bo‘laverishini aytdi.

«Hojatbaror» shaxsdan buning uchun 40 ming dollar kerakligini eshitgan ayol o‘ylab ko‘rishini aytib, xayrlashdi. Ertasi kuni tovlamachi ayolga qo‘ngiroq qilib, domla bilan gaplashib qo‘ygani, endi ortga yo‘l yo‘qligini aytib, tahdid bilan ukasining pasporti, surati va kelishilgan pulni olib kelishini talab qildi. Ayol tezda tegishli organlarga murojaat qildi.

Oradan ko‘p o‘tmay, «hojatbaror» «mijoz» bilan uchrashdi. U pullarni olgan vaqtida ashyoviy dalil bilan qo‘lga olindi. Olib borilgan harakatlar natijasida firibgar asli Surxondaryodan ekanligi, muqaddam ikki bor sudlanganligi, ayni paytda unga nisbatan qo‘zg‘atilgan jinoyat ishi sudda ko‘rilayotgani aniqlandi.

Sud tomonidan tovlamachiga 10 yil-u 6 oy muddatga ozodlikdan mahrum etish jazosi tayinlandi.

Manba: www.daryo.uz

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » O‘zbekiston » Bir yigitni Toshkent Davlat yuridik universitetiga o‘qishga kiritish uchun 40 ming dollar so‘rashdi