date

Shavkat Mirziyoyevning Xitoyga rasmiy tashrifi boshlandi (foto)

Shavkat Mirziyoyevning Xitoyga rasmiy tashrifi boshlandi (foto)

Prezident Shavkat Mirziyoyev Xitoy Xalq Respublikasi rahbari Si Jinping taklifi asosida rasmiy tashrif bilan Tyanszin shahriga yetib bordi. Davlat rahbariga rafiqasi ham yo‘ldoshlik qildi.
«Binxay» xalqaro aeroportida oliy martabali mehmonni Xitoy transport vaziri Lyu Vey hamda qator yuqori lavozimli shaxslar tantanali tarzda kutib oldi. Shu munosabat bilan ikki mamlakat bayroqlari ko‘tarildi, faxriy qorovul safga tizildi.
Tashrif dasturiga ko‘ra, Shavkat Mirziyoyev 31-avgust – 1-sentyabr kunlari Shanxay hamkorlik tashkiloti Davlat rahbarlari kengashining navbatdagi yig‘ilishida va «SHHT plyus» formatida o‘tadigan sammit sessiyalarida ishtirok etadi.
Bundan tashqari, prezident Pekin shahrida Yaponiyaning Ikkinchi jahon urushida mag‘lub etilganiga 80-yil to‘lishi munosabati bilan tashkil etiladigan tarixiy harbiy paradda ham ishtirok etadi.
Mutaxassislar fikricha, bu tashrif ikki mamlakat munosabatlarini yanada mustahkamlaydi va mintaqaviy hamkorlik istiqbollariga yangi sur’at bag‘ishlaydi.
Ctrl
Enter
Xato topdIngizmi
Iborani ajratib Ctrl+Enter tugmasini bosing
Yangiliklar » O‘zbekiston » Shavkat Mirziyoyevning Xitoyga rasmiy tashrifi boshlandi (foto)