O‘zbekistonda 2025-yil 6–9-oktyabr kunlari havo harorati 20–29 daraja atrofida iliq va qulay bo‘lishi kutilmoqda. Bu haqda 4-oktyabr kuni “O‘zgidromet” xabar berdi.
Qoraqalpog‘iston Respublikasi va Xorazm viloyati
Bu hududlarda dushanbadan payshanbagacha havo ozgina bulutli va ba’zi joylarda o‘zgaruvchan bo‘ladi. Yog‘ingarchilik ehtimoli kutilmaydi. Shamol sharqdan 7-12 m/s tezlikda esadi, 6-oktyabrda ayrim joylarda 13-18 m/s gacha kuchayishi va chang-to‘zonlar kuzatilishi mumkin. Harorat kechasi 4–9 daraja, kunduzi 6 oktyabrda 17-22 daraja bo‘ladi, 7-9-oktyabr kunlari esa 20-25 darajaga ko‘tariladi.
Buxoro va Navoiy viloyatlari
Havo ozgina bulutli va ba’zi manzillarda o‘zgaruvchan bo‘ladi. Yog‘ingarchilik ehtimoli yo‘q. Shamol sharqdan 7-12 m/s tezlikda esadi, 6-oktyabrda ayrim joylarda 13-18 m/s gacha kuchayishi, chang-to‘zonlar kuzatilishi mumkin. Kechasi 6-8-oktyabr kunlari 5-10 daraja, 9-oktyabrda 8-13 daraja, kunduzi 6 oktyabrda 20-25 daraja, 7-9-oktyabrda esa 22-27 daraja bo‘ladi.
Toshkent, Sirdaryo, Jizzax, Samarqand viloyatlari
Ushbu hududlarda havo ozgina bulutli va yog‘ingarchilik kuzatilmaydi. Shamol sharqdan 7-12 m/s tezlikda esadi. Harorat to‘rt kun mobaynida kechasi 8-13 daraja, kunduzi 20-25 daraja atrofida bo‘lishi kutilmoqda.
Qashqadaryo va Surxondaryo viloyatlari
Havo bulutli va ba’zi joylarda o‘zgaruvchan, yog‘ingarchilik ehtimoli yo‘q. Shamol sharqdan 7-12 m/s tezlikda esadi. Harorat kechasi 8-13 daraja, 6-oktyabr kunduzi 20-25 daraja, 7-9-oktyabrda esa 24-29 darajagacha ko‘tariladi.
Andijon, Namangan, Farg‘ona viloyatlari
Mazkur mintaqalarda havo o‘zgaruvchan, yog‘ingarchilik kutilmaydi. Shamol sharqdan 5-10 m/s tezlikda esadi. To‘rt kun davomida harorat kechasi 8-13 daraja, kunduzi 20-25 daraja atrofida bo‘ladi.
Tog‘li hududlarda
Dushanbadan payshanbagacha tog‘li mintaqalarda havo o‘zgaruvchan, yog‘ingarchilik kuzatilmaydi. Shamol sharqdan 7-12 m/s tezlikda esadi, harorat kechasi 3-8 daraja, kunduzi 12-17 daraja atrofida iliq bo‘lishi prognoz qilingan.
“Zamin”ni Telegramʻda oʻqing!
