“O‘zgidromet” ertaga, 27-oktyabr kuni mamlakat bo‘ylab kuzatiladigan ob-havo prognozi haqida ma’lum qildi. Ma’lumotlarga ko‘ra, butun respublika hududida yomg‘ir ehtimoli juda past bo‘lib, ayrim viloyatlarda shamol kuchayishi mumkin.
Toshkent shahrida ertangi havo biroz bulutli va vaqt-vaqti bilan o‘zgaruvchan bo‘ladi. Yomg‘ir kutilmaydi, shamol sharqdan 3–8 m/s tezlikda esadi. Harorat kechasi 11–13 daraja, kunduzi esa 23–25 daraja atrofida bo‘ladi.
Qoraqalpog‘iston va Xorazm viloyatlarida havo o‘zgaruvchan, kechga yaqin ayrim joylarda qisqa muddatli yomg‘ir yog‘ishi ehtimoli bor. Shamol sharqdan 7–12 m/s tezlikda esadi, ba’zi joylarda 18 m/s gacha kuchayishi va chang-to‘zonlar bilan kuzatilishi mumkin. Harorat kechasi 6–11 daraja, kunduzi 19–24 daraja bo‘ladi.
Buxoro va Navoiy viloyatlarida ham yomg‘ir kutilmaydi, havo o‘zgaruvchan bo‘ladi. Shamol 13–18 m/s gacha kuchayishi mumkin. Harorat kechasi 8–13 daraja, kunduzi 23–28 darajagacha ko‘tariladi.
Toshkent, Sirdaryo, Jizzax va Samarqand viloyatlarida ham havo o‘zgaruvchan bo‘lib, yomg‘ir ehtimoli yo‘q. Shamol sharqdan 7–12 m/s tezlikda esadi. Harorat kechasi 8–13, kunduzi 21–26 daraja atrofida bo‘ladi.
Qashqadaryo va Surxondaryo viloyatlarida havo biroz bulutli bo‘lib, shamol sharqdan 7–12 m/s tezlikda esishi kutilmoqda. Harorat kechasi 10–15 daraja, kunduzi 24–29 daraja bo‘ladi.
Andijon, Namangan va Farg‘onada — havo o‘zgaruvchan, lekin yomg‘irsiz bo‘ladi. Shamol 5–10 m/s tezlikda esadi. Harorat kechasi 8–13, kunduzi 21–26 daraja bo‘ladi.
Tog‘li hududlarda ham havo nisbatan sovuqroq va o‘zgaruvchan bo‘lib, ayrim joylarda shamol kuchayishi mumkin. Harorat kechasi 5–10 daraja, kunduzi 15–20 daraja atrofida bo‘lishi prognoz qilinmoqda.
Meteorologlar ta’kidlashicha, kuzning so‘nggi haftalarida shunday o‘zgaruvchan ob-havo odatiy hol bo‘lib, ayrim hududlarda harorat pasayishi va shamolli kunlar soni ortishi kuzatiladi. Shu bois, aholiga kechqurun va ertalab yengil sovuqdan ehtiyot bo‘lish tavsiya etilmoqda.
“Zamin”ni Telegramʻda oʻqing!
