O‘zgidromet 30-noyabr kuni kutilgan ob-havo bo‘yicha navbatdagi ma’lumotni e’lon qildi. Prognozlarga qaraganda, respublika hududlarining aksar qismida havo o‘zgaruvchan, lekin barqaror va quruq holatda saqlanadi. Harorat esa kechasi bir oz pasayib, kunduzi nisbatan iliqlikni saqlab qoladi.
Toshkent shahrida havo o‘zgaruvchan bo‘lib, yog‘ingarchilik kutilmaydi. Sharqdan 3–8 m/s tezlikda shamol esadi. Harorat tungi payt 0–2 daraja iliq, kunduzgi vaqtda esa 11–13 daraja iliq bo‘lishi kutilyapti.
Qoraqalpog‘iston va Xorazmda ob-havo o‘zgaruvchan, ayrim joylarda tuman tushishi ehtimoli bor. Shamol sharqdan 7–12 m/s atrofida. Harorat kechasi 0–5 daraja sovuq, kunduzi esa 5–10 daraja iliq bo‘ladi.
Buxoro va Navoiy viloyatlarida ham havo barqaror, yomg‘ir ehtimoli yo‘q. Tuman tushishi mumkin. Shamol 7–12 m/s. Harorat tunda 4 daraja sovuqdan 1 daraja iliqqacha, kunduz 10–15 daraja iliq bo‘ladi.
Toshkent, Samarqand, Sirdaryo va Jizzaxda havo o‘zgaruvchan, lekin yog‘ingarchiliksiz bo‘ladi. Tuman tushishi kuzatilishi mumkin. Shamol sharqdan 7–12 m/s. Harorat kechasi –2...+3 daraja oralig‘ida, kunduzi 10–15 daraja iliq bo‘ladi.
Qashqadaryo va Surxondaryoda yog‘ingarchilik kuzatilmaydi, shamol 7–12 m/s. Tunda harorat 0–5 daraja iliq, ba’zi nuqtalarda –2 darajagacha sovuq tushishi mumkin. Kunduzi 12–17 daraja iliq.
Andijon, Namangan va Farg‘onada tuman ehtimoli saqlanadi. Shamol 5–10 m/s. Harorat kechasi –2...+3 daraja, kunduzi esa 8–13 daraja iliq bo‘ladi.
Tog‘li hududlarda havo o‘zgaruvchan va quruq, sharqiy shamol 7–12 m/s tezlikda esadi. Harorat tunda 0–5 daraja iliq, ba’zi joylarda –2 darajagacha sovuq, kunduzi 5–10 daraja iliq bo‘ladi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
