Toshkent davlat yuridik universitetiga yangi rahbar tayinlandi — Baxshillo Xodjayev oliygoh rektorligiga rasman kirishdi. Bu qaror huquqshunoslik tarmog‘ida muhim o‘zgarishlar boshlanishidan darak berayotgani bilan e’tiborga molik.
1982-yilda Buxoroda tug‘ilgan Xodjayev oliy ma’lumotli huquqshunos, 2-darajali adliya maslahatchisi hisoblanadi. U 2004-yilda TDYUI bakalavriatini, 2006-yilda magistraturasini, 2018-yilda esa Yaponiyaning Nagoya universiteti doktoranturasini tamomlab, o‘z sohasida chuqur bilim va xalqaro tajriba orttirgan.
Mehnat faoliyatini «Mezon xususiy xizmati» advokatlik firmasiga advokat yordamchisi sifatida boshlagan Xodjayev keyinchalik universitetda ilmiy ishlar va innovatsiyalar bo‘yicha prorektor sifatida faoliyat yuritdi. 2022-yildan buyon u universitetda ilmiy muhitni kuchaytirish va yangilanish jarayonlarida faol ishtirok etgan.
Rektor sifatida tayinlanishi TDYUUda innovatsion ta’lim, ilmiy izlanishlar va xalqaro hamkorlikni yanada rivojlantirishi kutilmoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
