O‘zbekiston milliy xavfsizlik xizmati xodimlari Er resurslari, geodeziya, kartografiya va davlat kadastri davlat qo‘mitasi xodimi Umid Ravshanbekovni yirik miqdorda pora olayotganida qo‘lga olishdi. Bu haqda Sof.uz xabar bermoqda.
Umid Ravshanbekov hozirda Jinoyat kodeksining 210-moddasi ("Pora olish") bo‘yicha ishi tergovda bo‘lgan Xorazm viloyati Bog‘ot tumani er resurslari va davlat kadastri bo‘limining sobiq boshlig‘i Otabek To‘raevning qarindoshlaridan 20 ming dollar so‘ragan.
"Ravshanbekov bu pul evaziga o‘zining huquq-tartibot organlaridagi tanishlari orqali ayblanuvchini jinoiy javobgarlikdan ozod qilishda yordam berishni va’da qilgan. Operativ xodimlar Ravshanbekovni Chilonzor tumanida 10 ming dollarni bo‘nak sifatida olayotgan paytda qo‘lga olishdi", — dedi MXX vakili.
Surishtiruv davomida shuningdek, Ravshanbekov ilgari To‘raevni Xorazm viloyati Er resurslari, geodeziya, kartografiya va davlat kadastri boshqarmasi boshlig‘i lavozimiga tayinlashda yordam berishini aytib undan 10 ming dollar olgani aniqlandi.
Mazkur holat bo‘yicha O‘zbekiston Respublikasi Jinoyat kodeksining tegishli moddalari bo‘yicha jinoyat ishi qo‘zg‘atildi. Tergov doirasida Ravshanbekovning sheriklarini aniqlash ishlari olib borilmoqda.
Eslatib o‘tamiz, O‘zbekiston milliy xavfsizlik xizmati korrupsiya, xizmat vakolatlarini suiiste’mol qilish va tovlamachilikka qarshi kurash bo‘yicha tizimli chora-tadbirlarni amalga oshirmoqda.
Mamlakatda ushbu salbiy holatlarni bartaraf etish maqsadida huquqiy baza takomillashtirilmoqda. Birgina keyingi yil davomida bu yo‘nalishda qator qat’iy qadamlar qo‘yildi —"Korrupsiyaga qarshi kurash to‘g‘risida"gi qonun qabul qilindi hamda Korrupsiyaga qarshi kurash Davlat dasturi imzolandi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Xalqaro jinoyat sudi Isroil bosh vaziri Netanyaxuni hibsga olishga order berdi
Husiylar Isroil aviabazasiga gipertovushli raketa bilan zarba berdi
Turkiya o‘zining birinchi kvant kompyuterini taqdim etdi
Metabolizm sekinlashganining belgilari
Superliga. OKMK safarda "Paxtakor"ni mag‘lub etdi va 11 yillik qora an’anaga chek qo‘ydi
Har payshanba jismoniy tarbiya va sport kuni sifatida belgilanadi
Josep Borrel: “Xalqaro jinoyat sudining Netanyaxuni hibsga olish bo‘yicha qarori ijro etilishi shart”
