O‘zbekiston Milliy matbuot markazida «Ipoteka-bank» aholini arzon uy-joylar bilan ta’minlashga bag‘ishlab matbuot anjumani o‘tkazdi. Bu haqda «O‘zA»ga tayanib «Daryo» xabar bermoqda.
2017—2020 yillarda O‘zbekiston shaharlarida 945 ko‘p xonadonli uy-joy qurilishi rejalashtirilgan. 2017 yilda 191 ko‘p xonadonli uy qurilishi belgilangan hamda shu kunlarda ularni qurish ishlari boshlab yuborilgan. Shundan 102 tasi Toshkent shahrida bunyod etiladi.
Uy-joyga muhtoj fuqarolar shaharlar hokimliklarida tashkil etilgan hududiy komissiyalarga ariza bilan murojaat etishi kerak. Komissiyaning ijobiy xulosasiga ko‘ra, ko‘p qavatli uy-joydagi xonadonlardan biri fuqaroga biriktiriladi. Shu vaqtning o‘zida xonadon qiymatining kamida 25 foizi miqdoridagi summa boshlang‘ich badal sifatida bankimiz filiallarida shakllantirilishi lozim.
Shuhrat Toshpo‘latov, «Ipoteka-bank»ning turar joy binolari qurilishini moliyalashtirish boshqarmasi boshlig‘i
Shuhrat Toshpo‘latov, «Ipoteka-bank»ning turar joy binolari qurilishini moliyalashtirish boshqarmasi boshlig‘i
Qayd etilishicha, uy-joy qurib bitkazilgach, biriktirilgan xonadonni sotib olish istagidagi fuqaro bankka bir qator — ariza, kredit oluvchining pasport nusxasi, kredit oluvchining oxirgi 12 oyda olgan daromadlari to‘g‘risidagi ma’lumotlar kabi hujjatlarni taqdim etishi zarur.
20 yilga beriladigan kreditning imtiyozli davri uch yil. Shuningdek, uning dastlabki besh yilida to‘lov kredit miqdorining 7 foizidan iborat bo‘lib, keyingi yillar Markaziy bankning amaldagi qayta moliyalashtirish stavkasiga ko‘ra hisoblanadi. Biz sotib olinadigan uy-joy umumiy qiymatining 75 foizi miqdorigacha bo‘lgan summani kredit sifatida beramiz.
Bobur Nurmuhamedov, «Ipoteka-bank»ning ipoteka va iste’mol kreditlari boshqarmasi boshlig‘i
Bobur Nurmuhamedov, «Ipoteka-bank»ning ipoteka va iste’mol kreditlari boshqarmasi boshlig‘i
Kredit oluvchiga bir qator soliq imtiyozlari yaratilgan: bunda kredit oluvchining o‘zi yoki oila a’zolarining kredit bo‘yicha oylik to‘lovlarni qaytarish uchun yo‘naltirgan mablag‘i soliqqa tortilmaydi. Agar korxonalar qaytib olmaslik sharti bilan o‘z xodimlariga ipoteka kreditining boshlang‘ich badalini to‘lab bergan bo‘lsa, mazkur mablag‘ ham soliqqa tortilmaydi.
Shuningdek, kredit to‘liq qaytguniga qadar xonadon uchun mol-mulk solig‘i to‘lanmaydi. Yangi turar joy binolari atrofida aholi uchun dam olish joylari, bolalar maydonchalari, avtomobil turish joylari, chiqindi yig‘ish punktlari qurilishi rejalashtirilgan. Hudud obodligi ta’minlanadi.
Ma’lumot uchun, avvalroq Toshkentning birgina Sergeli tumanida 2016—2017 yillar rejasiga asosan 102 zamonaviy ko‘p qavatli uy-joy qurish ishlari amalga oshirilayotgani, ularning 66 tasi Mustaqillik bayrami arafasida foydalanishga topshirilishi haqida xabar berilgan edi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Samarqandda haydovchidan pora so‘ragan YPX xodimlari ishdan bo‘shatildi
Ar-Riyodda forum: AQSH-Xitoy tirashuvi va Yaqin Sharq inqirozi diqqat markazida
Ukraina bosh vaziri: “Rossiya urush davomida Ukrainada 250 mingdan ortiq turar joy binosini vayron qildi”
Ukraina Qurolli kuchlari qo‘mondonlari g‘alabaga ishonishni to‘xtatishdi
O‘zbekistonlik jangchi UFC reytingida top-darajaga ko‘tarilganidan keyin nimalar dedi?
Gruziya poytaxtida namoyishchilar va politsiya o‘rtasida to‘qnashuv yuz berdi
Fransiyalik taniqli aktyor Jerar Deparde jinsiy tajovuzda ayblab, hibsga olindi