Foto: O‘zA
Ey sen, pasportiga “o‘zbek” deya yozilgan va jihod deya mana shu Vatanga qarshi bo‘layotgan zolim. Bobong sobiq ittifoq tarkibida bo‘lsada mana shu Vatanning tuprog‘ini himoya qilib qon kechib jang qilgandi. Endi sen shu Vatanga qarshi borasanmi?
Ey sen, bir kursiga o‘tirib olgancha to‘ralik qilayotgan arbob. Momong ustidan sepilgan zaharga qaramay, boshini ko‘tarmay paxta terib, bolasini katta qilgandi. Endi sen oyog‘ing erdan uzilib, shu xalqqa buyroqbozlik qilasanmi?
Ey sen, chetdan turib o‘zbek nomiga tosh otayotgan “millatdosh”. Otang nomi paxtaga qo‘shib yozadi, deb jinoyatchiga chiqqanida ham andishaga borib “g‘iq” etmagan. Endi sen ana shu andishadan voz kechasanmi?
Ey sen, shou biznes deya ming nag‘maga o‘ynayotgan masxaraboz. Eri afg‘on urushida kimlarningdir manfaati uchun jonini fido qilib, uyga uning tobuti kelganida, o‘zbek ayollariga xos sabot bilan yashagan. Endi sen kliplaring va filmlaring orqali o‘zbegimning ayolini qanday obrazda olib chiqyapsan?
Ey sen, o‘zbek deganda uchinchi darajali millatni tushunadigan chet ellik. Bobom yulduzlarni kashf etgan, harbiy sohani takomillashtirgan, medisinaga asos solgan. Momom o‘z o‘g‘lini urushga kuzatib, o‘zi paxta maydonida 20 soat ishlagan. Akam dunyodagi g‘alamislarning adabini bergan. Ukam dalada ishlayotgan onasini o‘ylab, qorni to‘ymasada sabr bilan yashagan. Opam va singlim o‘zbekman deb eng qimmat boyligini – nomusini asragan. Endi sen chetdan turib bizga qanday yashash kerakligini o‘rgatasanmi?
Manba: www.kun.uz “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Prezidentning yangi qarori bo‘yicha ma’lumot berildi
NATO rahbari: “Ukrainaga bergan va’damizni bajarmadik”
O‘zbekistonda uy-joy va avtomobillar oldi-sotdisi naqd pulsiz shaklga o‘tkazilishi mumkin
Ukraina Qurolli kuchlari qo‘mondonlari g‘alabaga ishonishni to‘xtatishdi
Fon der Lyayen Putinning «ishonli odamlari» bilan hamkorlikni istisno etdi
Rossiya kubogi. SSKA ilk o‘yinda Zenit bilan durang o‘ynadi, Fayzullayev zahiradan tushirildi
U-23 Osiyo kubogi. Norchayev finalda gol ursa, to‘purar bo‘lishi mumkin