Navoiyda «Moskvich» mashinasi o‘g‘irlab ketildi

Navoiylik erkak o‘ziga tegishli «Moskvich-412» rusumli avtomashinasini har doim uyi oldida ochiq qoldirardi. Bu g‘araz niyatda bo‘lgan kimsaga qo‘l keldi. Bu haqda «Huquq» gazetasiga asoslanib «Daryo» nashri xabar bermoqda.

U qulay fursat topib, mashinani olib qochdi. Lekin o‘ylagan niyatiga etolmay yarim yo‘lga etmasdan ichki ishlar idoralari xodimlari tomonidan ushlandi. Avtomashina esa egasiga soz holatda qaytarildi.

Hozirda mashina o‘g‘risining ishiga tergov jarayonida oydinlik kiritilmoqda.