Germaniya Federativ Respublikasi (GFR) kansleri Angela Merkel O‘zbekiston Respublikasi Prezidenti Shavkat Mirziyoyevga O‘zbekiston Respublikasi va GFR o‘rtasida diplomatik munosabatlar o‘rnatilganining 25 yilligi munosabati bilan tabrik yo‘lladi, deb yozadi Kun.uz.
“Mamlakatlarimiz o‘rtasida diplomatik munosabatlar o‘rnatilganiga 25 yil to‘ldi. O‘tgan vaqt davomida o‘zaro hamkorligimiz turli sohalarda izchil rivojlanib bormoqda. Germaniya bilan O‘zbekiston iqtisodiyot, xavfsizlik va madaniyat sohalarida, shuningdek, xalqaro tashkilotlar doirasida ishonchli hamkorlik qilib kelmoqda.
Germaniya Federal hukumati O‘zbekiston Respublikasini parlament vakolatlarini kengaytirish, iqtisodiyotni erkinlashtirish va huquqiy tizimni isloh qilishga qaratilgan 2017-2021 yillarda mamlakatni rivojlantirish bo‘yicha Harakatlar strategiyasini amalga oshirishda hamkor sifatida qo‘llab-quvvatlaydi. Shuningdek, Germaniya mintaqa davlatlari bilan tashqi siyosatning ustuvor yo‘nalishlari sifatida Siz belgilab bergan do‘stona va yaqin qo‘shnichilik munosabatlarini yanada rivojlantirishni qo‘llab-quvvatlashini ta’kidlamoqchiman.
Davlatlarimiz o‘rtasida diplomatik munosabatlar o‘rnatilganining 25 yilligi munosabati bilan O‘zbekiston va uning xalqiga tinchlik, erkin va farovon hayot, mamlakatlarimizning o‘zaro hamkorligi yanada kengayishini tilayman», - deyilgan tabrik maktubida.
O‘zbekiston Respublikasi Prezidenti Shavkat Mirziyoyevning qutlovida esa shunday deyiladi: «Mamlakatlarimiz o‘rtasidagi mustahkam asosga ega bo‘lgan, izchillik va o‘zaro ishonch ruhidagi yaqin hamkorlik eng yuksak e’tirofga loyiqdir. Biz O‘zbekiston mustaqillikka erishgandan boshlab mustaqil taraqqiyotimiz va suverenitetimizni Germaniya qat’iy qo‘llab-quvvatlab, keng ko‘lamli demokratik va ijtimoiy-iqtisodiy islohotlarni hayotga tatbiq etishda amaliy yordam ko‘rsatib kelayotganini yuksak qadrlaymiz».
Davlatimiz rahbari quyidagilarni alohida ta’kidlagan: "Bugungi kunda Tashqi ishlar vazirliklari o‘rtasida siyosiy maslahatlashuvlar, Savdo va investisiyalar bo‘yicha hukumatlararo ishchi guruh, O‘zbekiston – Germaniya ishbilarmonlar kengashi, O‘zbekistondagi nemislar masalalari bo‘yicha hukumatlararo komissiya kabi institusional mexanizmlar tashkil etilgan va samarali faoliyat ko‘rsatmoqda, 140 dan ortiq bitimdan iborat keng qamrovli shartnomaviy-huquqiy baza shakllantirilgan".
Qutlovda gumanitar aloqalar ham faol rivojlanayotgani mamnuniyat bilan qayd etilgan. Bugun O‘zbekistonda Gyote instituti, K.Adenauer va F.Ebert nomidagi jamg‘armalar, Xorijdagi maktablar markaziy boshqarmasi va boshqa tashkilotlar vakolatxonalari muvaffaqiyatli faoliyat yuritmoqda.
O‘zbekiston Respublikasi Prezidenti "O‘zbekiston va Germaniya o‘rtasidagi o‘zaro hurmat, teng huquqlilik va tomonlarning manfaatlari inobatga olingan prinsiplarga asoslangan ikki va ko‘p tomonlama hamkorlikni mustahkamlash borasidagi sa’y-harakatlarimizni bundan keyin ham izchil davom ettirish zarur", deya ishonch bildirgan. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Husiylar O‘rtayer dengizida Isroilga ketayotgan kemalar o‘qqa tutilishini e’lon qildi
U-23 Osiyo kubogi. Abduvohid Ne’matov turnirning eng yaxshi darvozaboni deb topildi!
Gulistonda Nexia avtomashinasining gaz balloni portlab ketdi (video)
Ukraina milliy banki noxush ma’lumotni oshkor etdi
Organizmda gormonlar bilan bog‘liq muammo borligini bildiradigan simptomlar
Saudiya Arabistonida 100 ming nafargacha o‘zbekistonliklar doimiy ishga joylashtirilishi mumkin
Yetti nafar o‘zbekistonlik mehnat muhojiri Qozog‘istondan chiqarib yuborildi
Tbilisida noma’lum shaxslar namoyishchilarga hujum qildi