11:31 / 04.07.2015
9 152

«O‘zbekiston havo yo‘llari» Minsk reyslarini amalga oshirishni boshladi

«O‘zbekiston havo yo‘llari» Minsk reyslarini amalga oshirishni boshladi
«O‘zbekiston havo yo‘llari» milliy aviakompaniyasi 2 iyul kuni «Toshkent – Minsk – Toshkent» yo‘nalishi bo‘ylab ilk reysni amalga oshirdi. Bu haqda aviakompaniya matbuot xizmati xabariga asoslanib «Daryo» nashri xabar bermoqda.

Minsk aeroportida bortida 150 yo‘lovchi bo‘lgan A320 layneri suvli mushak bilan kutib olindi, shundan so‘ng Belarus qadriyatlariga muvofiq tarzda tantanali kutib olish marosimi bo‘lib o‘tdi.

Minskka parvozlar haftasiga ikki marta, seshanba va payshanba kunlari A320 va Boeing-757/767 samolyotlarida amalga oshiriladi. Aviachiptalar savdosi statistikasi shuni ko‘rsatmoqdaki, dastlabki uchta reys to‘liq band holatda amalga oshiriladi.

Minskda O‘zbekiston milliy aviakompaniyasining vakolatxonasi faoliyat olib boradi. Hozirgi vaqtda «O‘zbekiston havo yo‘llari» chiptalarini sotish bo‘yicha «Belavia» aviakompaniyasi bilan interlayn-kelishuv va kod-sher bitimini imzolash masalalari o‘rganib chiqilmoqda.

«O‘zbekiston havo yo‘llari» Evropa va Osiyoning 40 dan ortiq mamlakatlari, shuningdek, AQSh va Yaponiyaga muntazam reyslarni amalga oshiradi. Aviakompaniya vakolatxonalari 25 mamlakatda faoliyat olib bormoqda.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » O‘zbekiston » «O‘zbekiston havo yo‘llari» Minsk reyslarini amalga oshirishni boshladi
[/banner_pushhouse