5 996
Davlat departamenti O‘zbekistonga o‘qituvchilar va tibbiyot xodimlarini paxta terimiga jalb etmaslikni tavsiya qildi
O‘zbekiston hukumati odam savdosiga barham berish bo‘yicha minimal standartlarga to‘liq javob bermaydi va buning uchun etarlicha sa’y-harakat qilayotgani yo‘q, shuning uchun u 3-darajada qoldi, deyiladi AQSh Davlat departamentining odam savdosiga doir hisobotida.
Shunga qaramay, O‘zbekiston hukumati odam savdosiga qarshi kurashish bo‘yicha choralar ko‘rgani, bolalarning paxta terishi, majburiy mehnat kabi holatlarni nazorat qilishga imkon berilgani qayd etilgan. Hukumat shuningdek bolalar mehnati taqiqlanishi bo‘yicha aholi xabardorligini oshirish borasida katta kampaniya o‘tkazgani e’tirof qilingan.
Bundan tashqari, hukumatning odam savdosida gumon qilinayotganlarni ta’qib qilishda davom etayotgani, transmilliy jarayonlarda qatnashayotgani va odam savdosi jabrlanuvchilari tiklanish markazlarini moliyalashtirayotgani ta’kidlab o‘tilgan.
Shu bilan birga, ba’zi joylarda baribir bolalar mehnatidan foydalanish, paxta dalalarida mehnat qonunchiligini buzish holatlari davom etayotgani ta’kidlangan.
"Viloyatlar amaldorlari mustaqil kuzatuvchilar va alohida nazoratchilarni ta’qib qilib, ularni so‘roq qilgan bir necha holat qayd etilgan", - deyiladi hisobotda.
Manbaga ko‘ra, 2016 yilda hukumat 714 nafar odam savdosi qurbonini aniqlagan. Bu esa ko‘rsatkichlar 2014 (924 nafar) va 2015 (1208 nafar) yillarga nisbatan qisqarganini bildiradi. 714 kishining 193 nafari mamlakat ichkarisida jabrlangan, qolganlar esa boshqa mamlakatlarda ekspluatasiya qilingan. Ma’lum qilinishicha, odam savdosi qurbonlarining aksariyati majburiy mehnatga jalb qilingan.
Shu munosabat bilan O‘zbekistonga ba’zi tavsiyalar berib o‘tilgan:
- paxta terimlarida majburiy mehnatdan foydalanishni to‘xtatish choralarini ko‘rish;
- paxta teruvchilar uchun mehnat sharoitlarini yaxshilash;
- majburiy bolalar mehnatini yo‘q qilish;
- kuzatuvni kuchaytirish;
- mustaqil kuzatuvchilarga paxta etishtirish monitoringini kuzatishga to‘liq imkon berish va ularni ta’qib etishni to‘xtatish;
- odam savdosiga aralashgan shaxslarni javobgarlikka tortish;
- qishloq xo‘jaligidagi mehnat sharoitlarini yaxshilash;
- terimga o‘qituvchilar, tibbiyot xodimlari, kollej va lisey o‘quvchilarini jalb qilmaslik;
- mehnat huquqi borasidagi aholi xabardorligini oshirishda davom etish. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Orzudagi uy — qishda issiq, yozda salqin. Bunga qanday erishish mumkin?
Putin Xitoy talabalariga qanday maslahat berdi?
“Umra” ziyoratiga borib kelish tartibi takomillashtiriladi
Pnevmatik qurollarni o‘z ixtiyori bilan topshirganlar javobgarlikdan ozod etiladi
Putin va Si Szinpin uchrashuvidagi "ishora" shtatlarda vahima uyg‘otdi
Mansab pillapoyalari: unga kimlar munosib?
Lavrov: Putin va Si Szinpin Xitoyning global xavfsizlik bo‘yicha tashabbusini muhokama qildi
Shimoliy Koreya yangi ko‘rsatkichlarga ega ballistik raketani sinovdan o‘tkazdi