2017 yil 20 iyun kuni O‘zbekiston Respublikasi Vazirlar Mahkamasining «Oliy ta’lim muassasalariga qabul qilish, talabalar o‘qishini ko‘chirish, qayta tiklash va o‘qishdan chetlashtirish tartibi to‘g‘risidagi nizomlarni tasdiqlash haqida»gi 393-sonli qarori qabul qilingani va unda qo‘shimcha kontraktlarning oshirilgan miqdori tasdiqlangani haqida ma’lumot berilgan edi.
Yurist-bloger Xushnud Xudoyberdievning ma’lum qilishicha, O‘zbekiston Respublikasi ta’lim muassasalariga o‘qishga qabul qilish bo‘yicha Davlat komissiyasi mazkur qarorning ijrosini ta’minlash maqsadida to‘lov-kontrakt asosida belgilangan kvotadan tashqari oliy ta’lim muassasalariga qo‘shimcha ravishda qabul qilish bo‘yicha tartib ishlab chiqilgan.
Vazirlar Mahkamasi qaroriga ko‘ra, to‘plagan ballari tasdiqlangan to‘lov-kontrakt bo‘yicha qabul kvotalari chegarasiga 4 ballgacha etmagan abiturientlar uchun quyidagicha miqdor belgilangan edi:
1 ballgacha etmagan abiturientlar uchun – 1,5 barobar;
1.1 balldan 2 ballgacha etmaganlar uchun – 2,0 barobar;
2.1 balldan 3 ballgacha etmaganlar uchun – 2,5 barobar;
3.1 balldan 4 ballgacha etmaganlar uchun – 3,0 barobar.
Davlat komissiyasining tartibiga muvofiq, barcha ta’lim sohasi va ta’lim yo‘nalishlari bo‘yicha 4 balldan ortiq ball etmagan, eng yuqori ballning 30 foiz (68,0 ball)dan kam bo‘lmagan holda, qo‘shimcha ravishda o‘qish istagini bildirgan abiturientlarning birinchi o‘quv yili uchun to‘lov-kontrakt miqdorlari tasdiqlandi.
Oshirilgan to‘lov-kontrakt miqdorlariga nazar tashlasak, eng qimmat to‘lov huquq yo‘nalishida ekanligini ko‘rish mumkin. Unga ko‘ra, yurisprudensiya yo‘nalishi bo‘yicha qo‘shimcha-kontraktda o‘qish istagini bildirganlar 1-o‘quv yili uchun 25 baravar miqdorida kontrakt to‘lashi lozim bo‘ladi. Bu bugungi kunda 246 mln. 250 ming so‘mni tashkil etmoqda.
“Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Toshkent viloyatida ekologiya inspektorlari hujumga uchradi
Buxoroda yodgorliklarni ta’mirlashga ajratilgan 3,3 mlrd so‘m talon-toroj qilindi
Husiylar O‘rtayer dengizida Isroilga ketayotgan kemalar o‘qqa tutilishini e’lon qildi
Har bir qizning orzusi: turk seriallaridagi eng chiroyli 4 ta to‘y
Shoygu Ukraina dronlariga qarshi qo‘llaniladigan yangi vositalar bilan tanishdi
Ukraina 300 mingta dron sotib olish uchun pul ajratadi
Moskvada Ukrainadan tortib olingan NATO harbiy texnikalari ko‘rgazmasi o‘tkazildi
