Yoz chillasining so‘nggi kunlarida mo‘tadil harorat kutilmoqda

Gidrometeorologiya xizmati markazining xabar berishicha, ertaga O‘zbekiston bo‘ylab havo harorati o‘zgarib turadi, ayrim hududlarda yomg‘ir yog‘ishi ehtimoli mavjud, deb yozadi Qalampir.uz nashri.

4 avgust kunining ob-havo ma’lumoti bilan tanishing.

Toshkentda havo bulutli bo‘lishi kutilmoqda. Harorat kunduzi +31... +33, kechasi esa +21... +23 daraja bo‘ladi. Shamol soniyasiga 12-17 metr tezlikda esadi.

Farg‘ona, Namangan va Andijonda kunduzi harorat +28... +33 daraja, kechasi esa +22... +27 darajada bo‘lishi kutilmoqda. Shamol tezligi 12-17 metr soniyani tashkil etadi.

Samarqand, Jizzax va Sirdaryoda havo o‘zgarib turadi. Harorat kunduzi +31... +36, kechasi esa +20... +25 daraja bo‘lib, shamol sharqdan soniyasiga 5-10 metr tezlikda esadi.

Qoraqalpog‘iston Respublikasi va Xorazm viloyatida havo bulutli bo‘lib, harorat kunduzi +31... +36, kechasi +20... +25 darajani tashkil etadi. Shamol soniyasiga 5-10 metr tezlikda esishi kutilmoqda.

Buxoro va Navoiy viloyatlarida ham havo bulutli bo‘ladi. Havo harorati kunduzi +31... +36, kechasi +20... +25 daraja tashkil etib, shamol sharqdan soniyasiga 5-17 metr tezlikda esishi mumkin.

Qashqadaryo va Surxondaryo viloyatlarida ham havo o‘zgarib turadi. Havo harorati kunduzi +35... +40 daraja, kechasi esa +22... +27 darajaga ko‘tarilishi kutilmoqda. Shamol sharqdan soniyasiga 5-17 metr tezlikda esishi mumkin. “Zamin”ni Telegramʻda oʻqing!