Musulmonlar idorasi raisi Usmonxon Alimov O‘zbekiston Prezidentining BMT Bosh assambleyasi sessiyasidagi nutqi yakunlangandan keyingi taassurotlari hamda xorij ommaviy axborot vositalarida shunga doir bildirilgan fikrlar bilan bo‘lishdi. Bu haqida 4 oktyabr kuni Xalqaro Press-klubning navbatdagi sessiyasida ishtirok etgan KUN.UZ muxbiri xabar berdi.
Usmonxon Alimovning so‘zlariga ko‘ra, BMT minbarida O‘zbekiston Prezidentining nutqi yakunlangandan keyin qarsaklar davomli bo‘lgan. Hatto u yerdagi davlat rahbarlari ham, shuningdek majlisni boshqarib borayotganlar ham Prezidentni bu so‘zlari bilan qutlashgan.
"Turkiya prezidenti Rajab Toyyib Erdo‘g‘an davlatmiz rahbari Shavkat Miromonovichni bag‘riga bosib, dunyoda hali hech bir davlat rahbari BMTning oliy minbaridan turib, islom dinining qadriyatlarini bu qadar jasorat bilan himoya qilmagani, hech qachon Imom Buxoriydek ulug‘ allomaning nomini tilga olmaganini alohida ta’kidlab, tahsinlar aytdi. Buni hammamiz ko‘rdik.
Misrning "Al-Vaqf" gazetasi "O‘zbekiston Prezidenti BMT minbaridan turib yoshlarga doir tashabbus bilan chiqdi" sarlavhali katta maqolasini e’lon qildi. Unda Shavkat Mirziyoyevning BMT yig‘inida yoshlar huquqini ta’minlash xususidagi qonunni ishlab chiqish borasidagi taklifiga yuqori baho berilgan. Ayniqsa, hozirgi tezkor sur’atlar bilan o‘sib borayotgan axborot zamonida alohida bir tizim ishlab chiqish juda ham maqsadga muvofiq ekani ta’kidlangan. Shuningdek hozirda yoshlar uchun munosib sharoitlar yaratish va ekstremistik g‘oyalar qarshisida to‘siq qo‘yish juda ham qiyinligi, bunga erishishning birdan bir yo‘li yosh avlodni qo‘llab-quvvatlash va haq-huquqlarini himoya qilish ekani qayd etilgan.
Bundan tashqari, yana bir arab axborot agentligining xabar berishicha, dunyodagi terror tahdidiga qarshi kuch ishlatish u qadar manfaat bermayotgani ta’kidlandi. Maqolada O‘zbekiston bu borada faol ish olib borib, tinch yo‘l bilan, ya’ni ma’rifat bilan kurash olib borishga barchani da’vat etayotganiga alohida e’tibor qaratilgan.
Bu xorijdagi OAVning Prezidentimizning BMT Bosh assambleyasi sessiyasida so‘zlagan nutqlariga bergan baholaridir.
G‘arb nashrlarida ham Prezidentimizning "Endi fuqarolar davlat tashkilotlariga emas, davlat tashkilotlari fuqarolarga xizmat qilishi kerak" degan gaplariga urg‘u berilgan. Inson huquqlari masalasida qilingan ijobiy ishlar yuqori baholangan.
Shuningdek yana bir g‘arb nashrida O‘zbekiston uchun hozirgi davr - taraqqiyot davri ekani ta’kidlanib, odim qadamlarning tashlanishi Prezident tomondan ishonchning mustahkamlanganligini ta’kidlaydi. O‘zbekistonda amalga oshirilayotgan ishlar aholining davlatga, hukumatga bo‘lgan ishonchini mustahkamlashi aytib o‘tilgan", - deydi Musulmonlar idorasi raisi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Damas uchun onlayn kontraktatsiya ochiladi
Germaniyaning Knauf kompaniyasi Rossiyadan butunlay chiqib ketishini tasdiqladi
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
Futzal. Osiyo Kubogi. Tojikiston Yaponiyani guruhda qoldirdi
Olimlar o‘quvchilarning familiyasidagi bosh harf ularning bahosiga ta’sir qilishini aniqladi
Zohida Umarova nima sababdan o‘g‘li va kelini bilan birga yashamasligini aytdi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Ramzan Qodirovning 19 yoshli qizi medal bilan taqdirlandi