Davlat statistika qo‘mitasi O‘zbekiston iste’mol sektoridagi inflyatsiya to‘g‘risidagi ma’lumotlarni e’lon qildi. Inflyatsiyaning oylik ko‘rsatkichlari mamlakatda ilk bor e’lon qilinmoqda.
Noyabrda tovarlar va xizmatlar uchun iste’mol narxlari o‘rtacha 2 foizga ko‘tarildi. Jumladan, oziq-ovqat mahsulotlari 1,5 foizga, nooziq-ovqat mahsulotlari 3,4 foizga va xizmatlar 0,5 foizga oshgan. Solishtirish uchun: 2016 yil noyabrida iste’mol mahsulotlari 0,8 foizga ko‘tarilgan.
Meva-sabzavot mahsulotlari narxlari darajasining o‘zgarishiga mavsumiy omillar ta’sir etdi. Birmuncha sezilarli darajada pomidor va bodring mahsulotlari narxlari — 60,6 foiz va 54 foizga, uzum — 19,8 foizga, olma — 14,1 foizga qimmatlashdi. Shu bilan birga, sabzi — 17,2 foizga, piyoz — 13,9 foizga, karam — 12,9 foizga va kartoshka — 1,1 foizga arzonlashdi.
Shuningdek, tuxum — 7,9 foiz, choy va kofe — 2,4 foiz, saryog‘ — 2,3 foiz, bug‘doy uni — 2,2 foiz, sut mahsulotlari — 2,1 foiz, qandolat mahsulotlari — 1,9 foiz, mol go‘shti — 1,6 foiz, qo‘y go‘shti va guruch — 1,2 foiz, o‘simlik moyi — 0,8 foizga qimmatladi. Mosh — 5,7 foiz, loviya — 5,1 foiz, parranda go‘shti — 4,4 foiz, baliq — 3,7 foiz, grechka va boshqa yormalar — 1,4 foiz hamda shakar — 0,4 foizga arzonlashdi.
Bir oy davomida nooziq-ovqat mahsulotlari 3,4 foizga qimmatlashgan. O‘sish o‘tgan yilning noyabriga nisbatan yuqoriroq bo‘ldi (1,8 foiz). O‘sishga asosan benzin narxining ko‘tarilishi (o‘sish o‘rtacha 39,7 foiz) bilan bog‘liq.
Nooziq-ovqat mahsulotlarining boshqa turlarida ham narxlar o‘sishi kuzatildi. jumladan dori vositalari — 4,8 foiz, kiyim-kechak — 2,9 foiz, qurilish materiallari — 2,6 foiz, zargarlik buyumlari — 2,4 foiz, oyoq kiyimi — 2,2 foiz, shaxsiy gigiyena tovarlari — 2,1 foiz, yuvish va tozalash vositalari — 1,8 foizga qimmatlashdi.
Aholiga pulli xizmatlarni ko‘rsatish sohasida noyabr oyida 0,5 foizlik o‘sish qayd etildi. 2016 yil noyabrida tariflar 0,4 foizga oshgan edi.
Mazkur sohada maishiy xizmatlar tariflarining 2 foizga, xorijiy tillar kurslarida o‘qish narxining 2,2 foizga o‘sishi asosiy inflyatsion omil bo‘ldi.
Manba: Gazeta.uz
“Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
NATO bosh kotibi Ukrainaning frontdagi ahvoli yomonlashganini tan oldi
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Borrel YEIning Isroil bilan muloqotini to‘xtatishni taklif qildi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Blinken Isroildan uchta muammoni hal etishni talab qildi
Erdo‘g‘on Turkiya Isroil bilan aloqalarini uzganini ma’lum qildi
Isroil HAMAS va “Hizbulloh” raketalarini lazer quroli bilan urib tushirmoqchi. U qanday ishlaydi?
Qozog‘istonda yana 1 mlrd dollar noqonuniy aktivlar davlatga qaytarildi
