Toshkentda 28 aprel kuni 25 mamlakat va 100ga yaqin tashkilot vakillari ishtirokida blokcheyn va kriptovalyutalar bo‘yicha Butunjahon sammiti o‘tkaziladi. Bu haqda Sputnik nashri xabar qilmoqda.
"MDHning uchinchi o‘rindagi eng yirik iqtisodiyoti — O‘zbekistonga xush kelibsiz! Mamlakat iqtisodiy siyosatidagi o‘zgarishlar va tayyorlanayotgan qonunchilik islohotlaridan kelib chiqib, O‘zbekiston Markaziy Osiyoning yangi kriptopoytaxti sifatida tanlandi", deyiladi sammit saytida.
Tashkilotchilarning fikricha, Toshkentda bo‘lib o‘tadigan blokcheyn va kriptovalyutalar bo‘yicha Butunjahon sammiti investitsiyalar va yangi loyihalarni amalga oshirish uchun imkoniyatlarga to‘la yangi bozorga chiqish uchun o‘ziga xos imkoniyatdir.
Ishtirokchilar International Hotel Tashkent mehmonxonasida raqamli iqtisodiyot, jumladan, ma’lumotlar maxfiyligi, blokcheyn-texnologiyalarni qo‘llash, mayning, kriptovalyutani saqlash va almashtirish masalalari bo‘yicha muhokamalar o‘tkazishadi.
Sammitda Qozog‘iston, Latviya, Gollandiya, Isroil, Bahrayn, Yangi Zelandiya, Avstraliya, Rossiya, Nigeriya va boshqa davlatlardan kelgan blokcheyn va kriptovalyuta bo‘yicha mutaxassislarning chiqishlari rejalashtirilgan.
Sammit doirasida O‘zbekiston bo‘yicha loyihalar taqdim etiladigan Uzbekistan ICO Show tadbiri ham bo‘lib o‘tadi.
O‘zbekiston 2018 yil boshida kriptovalyuta yig‘ish eng arzon tushadigan mamlakatlar ro‘yxatida jahonda uchinchi o‘rinni egallagandi.
International Business Times nashri ekspertlarining hisoblashlaricha, O‘zbekistonda bir bitkoyn yig‘ish 1790 dollarga tushadi. Bu borada faqatgina Trinidad va Tobago (1190 dollar) va Venesuela (531 dollar) O‘zbekistondan yuqori o‘rinda turadi. Janubiy Koreya bitkoyn yig‘ish befoyda mamlakat deb topilgan, bu yerda bir bitkoyn yig‘ish 26170 dollarga tushadi. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ijtimoiy tarmoqlar davrida ruhiy salomatlikni qanday saqlash mumkin?
Kim Chen In harbiylarni jangovar holatda turishga chaqirdi
Tyumen oblastiga O‘zbekistondan mehnat migrantlari ishga jalb qilinadi
Eron AQSHdan 1 trln dollar kompensatsiya talab qildi
Shimoliy Koreya Rossiyaga uzoqqa zarba beruvchi qurollar yubordi
KXDR Rossiyaga 100 minggacha harbiy yuborishi mumkin
Rashida Tolib Kongress a’zolariga «achchiq haqiqat»ning suratini ko‘rsatdi
Turkiya Isroil prezidenti samolyotini havo hududiga kiritmadi
