Oʻzbekiston Respublikasi prezidenti Shavkat Mirziyoyev 8 yanvar kuni investitsiya loyihalarini amalga oshirish masalalariga bagʻishlangan videoselektor yigʻilishida turizm rivoji boʻyicha rejalar haqida gapirdi. Prezident matbuot xizmati xabarida maʼlum qilinishicha, yigʻilishda 2019 yil turizm rivojida tub burilish yili boʻlishi haqida aytilgan.
Davlat rahbari, jumladan, Vazirlar Mahkamasining ijtimoiy kompleksiga oid vazifalarga ham toʻxtalib, turizm sohasiga toʻgʻridan-toʻgʻri investitsiyalarni jalb etishni kuchaytirish zarurligini taʼkidladi.
“Turizm uchun bosqichma-bosqich hamma sharoitlarni yaratyapmiz, investorlarga, ishbilarmonlarga keng imkoniyatlar beryapmiz. 2019 yil turizm rivojida tub burilish yili boʻladi”, – dedi Shavkat Mirziyoyev.
Prezident Oʻzbekiston Respublikasi Oliy Majlisiga Murojaatnomasida ham bu soha rivoji boʻyicha takliflar bildirgan edi. Ushbu takliflarni amalda tatbiq etish maqsadida Prezidentning joriy yil 5 yanvardagi farmoniga muvofiq 2019-2025 yillarda Oʻzbekiston Respublikasida turizm sohasini rivojlantirish Konsepsiyasi tasdiqlandi. Shuningdek, oʻsha kuni imzolangan Prezident qarori bilan mehmonxonalar tashkil etish boʻyicha istiqbolli investitsiya loyihalari roʻyxati qabul qilindi.
Maʼlumot uchun, 2017 yilda Oʻzbekistonga qariyb 2 million 700 ming, 2018 yilda 5 million 300 mingdan ortiq turist kelgan. 2025 yilda yurtimizga tashrif buyuradigan xorijiy sayyohlar sonini 7 millionga, turizm eksportidan keladigan yillik daromadni esa 2 milliard dollarga yetkazish rejalashtirilgan. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Uchar avtomobil yo‘lovchi bilan birinchi parvozini amalga oshirdi (video)
Germaniyada ishlash istagida bo‘lgan o‘zbekistonlik mutaxassislar uchun nemis tili o‘rgatiladi
Mariya Zaxarova ukrainaliklarni Amerika hindulariga o‘xshatdi
Ispaniya va Gretsiya Kiyevga Patriot tizimlarini yetkazib berishdan bosh tortdi
Zoir Mirzayev “Telefonsiz maktab”ga 300 mln so‘m mukofot berdi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Xitoy AQSHni «qizil chiziqlar»ni kesib o‘tishdan ogohlantirdi va «dushman emas, hamkor» bo‘lishga chaqirdi
