4 226
O‘zbekiston - Tojikiston chegarasida yangi nazorat-o‘tkazish punktlari ish boshlaydi
O‘zbekiston va Tojikiston chegarasida yangi nazorat-o‘tkazish punktlari ochilishi to‘g‘risidagi kelishuvga o‘tgan yilning avgust oyida Imomali Rahmonning davlat tashrifi va O‘zbekiston Respublikasi prezidenti Shavkat Mirziyoyev bilan muzokaralar davomida erishilgandi, deb xabar bermoqda Aziya-Plyus agentligi.
Yaqin vaqt ichida Tojikiston-O‘zbekiston chegarasida yangi nazorat-o‘tkazish punkti ish boshlaydi - «Bobotog‘». «Bobotog‘» nazorat-o‘tkazish punkti xalqaro maqomga ega bo‘lmaydi, undan ikki mamlakat fuqarolari, shuningdek, Tojikiston va O‘zbekiston fuqarolariga tegishli transport vositalari o‘tkaziladi, deya ta’kidlaydi nashr.
Yangi nazorat-o‘tkazish punkti kunduzgi vaqtda ishlaydi. Shuningdek, qayd etilishicha, Tojikiston va O‘zbekiston chegara idoralari ikki davlat chegarasida yangi nazorat-o‘tkazish punktlarini ochish bo‘yicha masalani o‘rganib chiqmoqda.
Dastlabki ma’lumotlarga ko‘ra, joriy yilda ikki davlat chegarasida 3 tadan 15 tagacha yangi nazorat-o‘tkazish punkti ochilishi mumkin.
Yangi nazorat-o‘tkazish punktlari Tojikiston va O‘zbekistonning chegaraoldi hududlari aholisi o‘rtasidagi aloqalarni yanada barqaror rivojlantirishga xizmat qiladi, davlatlar chegarasidagi boshqa nazorat-o‘tkazish punktlarida navbatlar oqimini kamaytiradi.
2002 yilda imzolangan hukumatlararo bitimga muvofiq, Tojikiston va O‘zbekiston chegarasida 16 ta nazorat-o‘tkazish punkti tashkil etilgan, shu jumladan, 9 tasi xalqaro maqomga ega.
Ko‘plab nazorat-o‘tkazish punktlari 2000-yillar o‘rtalarida ikki tomonlama munosabatlarning keskinlashishi ortidan bilan yopilgan va o‘tgan yilning boshiga qadar faqat ikkita nazorat-o‘tkazish punkti to‘laqonli faoliyat yuritgan: biri Tursunzoda-Sariosiyo yo‘nalishi bo‘yicha, ikkinchisi esa Bo‘ston-Bekobod yo‘nalishida.
O‘tgan yil mart oyida Dushanbega Shavkat Mirziyoyevning davlat tashrifi oldidan 16 ta nazorat-o‘tkazish punkti to‘liq ishga tushdi.
Manba: Kun.uz “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Prezidentning yangi qarori bo‘yicha ma’lumot berildi
NATO rahbari: “Ukrainaga bergan va’damizni bajarmadik”
O‘zbekistonda uy-joy va avtomobillar oldi-sotdisi naqd pulsiz shaklga o‘tkazilishi mumkin
Ukraina Qurolli kuchlari qo‘mondonlari g‘alabaga ishonishni to‘xtatishdi
Fon der Lyayen Putinning «ishonli odamlari» bilan hamkorlikni istisno etdi
Rossiya kubogi. SSKA ilk o‘yinda Zenit bilan durang o‘ynadi, Fayzullayev zahiradan tushirildi
U-23 Osiyo kubogi. Norchayev finalda gol ursa, to‘purar bo‘lishi mumkin