Bangladesh, Pokiston va Hindiston eng ifloslangan havoga ega davlatlar, Avstraliya, Finlyandiya hamda Islandiya esa eng toza havoga ega mamlakatlar deb topildi. Bu haqda AirVisual tashkiloti xabar bergan.
Oʻzbekiston 2018 yilda eng ifloslangan havoga ega davlatlar reytingida 16-oʻrinni egalladi. Reyting havo sifatini monitoring qilish bilan shugʻullanuvchi AirVisual xalqaro tashkiloti tomonidan tuzildi.
Oʻzbekiston reytingda sariq rang bilan belgilangan davlatlarga yetakchilik qilgan. Bu shuni anglatadiki, havodagi zararli moddalar miqdori qoniqarli darajada, biroq ifloslangan havoga sezgir boʻlgan kishilar oʻz salomatligi haqida qaygʻurishi lozim. Mintaqaning boshqa davlatlaridan reytingga Qozogʻiston kirdi, u 20-pogʻonadan joy oldi. Markaziy Osiyodagi boshqa mamlakatlar reytingda qayd etilmagan.
MDH davlatlaridan Litva 42-oʻrinda, Ukraina - 49, Rossiya - 58-pozitsiyada.
Reytingda Bangladesh, Pokiston hamda Hindiston yetakchilik qilyapti - bu mamlakatlar eng ifloslangan havoga ega; eng tozasi - Avstraliya, Finlyandiya va Islandiyada.
Reyting tuzuvchilarining taʼkidlashicha, har yili havo ifloslanishi tufayli taxminan 7 mln kishi vafot etadi, shuningdek, bu holat jahon iqtisodiyotiga har yili 225 mlrd dollarlik zarar yetkazadi.
Tadqiqotda hammasi boʻlib butun dunyo boʻylab 3 000 shahar qamrab olindi. Ulardan 64 foizida RM 2.5 ifloslanishning maksimal cheklangan darajasi oshgan holda qayd etilgan. Xususan, Janubiy Osiyodagi shaharlarning 99 foizida, Janubi-Sharqiy Osiyoda - 95 foiz hamda Sharqiy Osiyoda 89 foiz shaharlarda atmosfera holati yomon ekani aniqlandi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Uchar avtomobil yo‘lovchi bilan birinchi parvozini amalga oshirdi (video)
Ruslar Abrams tanklarining zaif tomonini topishdi
Zoir Mirzayev “Telefonsiz maktab”ga 300 mln so‘m mukofot berdi
Germaniyada ishlash istagida bo‘lgan o‘zbekistonlik mutaxassislar uchun nemis tili o‘rgatiladi
Ispaniya va Gretsiya Kiyevga Patriot tizimlarini yetkazib berishdan bosh tortdi
Mariya Zaxarova ukrainaliklarni Amerika hindulariga o‘xshatdi
Xitoy AQSHni «qizil chiziqlar»ni kesib o‘tishdan ogohlantirdi va «dushman emas, hamkor» bo‘lishga chaqirdi