Foto: Prezident matbuot xizmati
Prezident Shavkat Mirziyoyev 28 iyul, chorshanba kuni bo‘lib o‘tgan videoselektor yig‘ilishida O‘zbekistondagi epidemiologik holat yomonlashganini qayd etib o‘tdi, deya xabar bermoqda «Gazeta.uz».
O‘zbekistonda 27 iyul kuni 843 kishida koronavirus infeksiyasi aniqlandi — bu pandemiya boshidan beri mamlakatda qayd etilgan eng yuqori kasallanish ko‘rsatkichidir. Shuningdek, kasallik asoratlari oqibatida 8 kishi vafot etgan (bu ham pandemiya boshidan beri qayd etilgan eng yuqori o‘lim ko‘rsatkichi). Shu kuni 556 kishida pnevmoniya aniqlangan; SSV ma’lumotlariga ko‘ra, 5 iyuldan beri O‘zbekistonda pnevmoniya oqibatida 60 kishi vafot etgan.
Davlat rahbarining ta’kidlashicha, O‘zbekiston mamlakatning har bir fuqarosi hayoti uchun kurashishda va buning uchun zarur vositalarni yo‘naltirishda davom etadi. Shavkat Mirziyoyev fuqarolar o‘z hayotlari va salomatliklari uchun mas’ul ekanliklarini yana bir bor eslatib o‘tgan.
Prezident aholini yana bir bor koronavirusga qarshi emlanishga chaqirib, O‘zbekiston 29 iyul kuni 3 million doza Moderna vaksinasini qabul qilib olishini bildirdi. Ushbu dori vositalari, avval xabar berilganidek, Amerika Qo‘shma Shtatlari tomonidan COVAX dasturi orqali beg‘araz taqdim etilmoqda.
«Vaksina olganlar shifoxonadan to‘rt kunda chiqyapti, emlanmaganlarga esa juda og‘ir bo‘lyapti. Ha, vaksina olgandan keyin kasallanish mumkin, lekin kasallik yengil formada kechyapti», — deya qayd etib o‘tdi Shavkat Mirziyoyev. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Saudiya Arabistoni bilan yana qator sohalarda hamkorlik o‘rnatilishi kutilmoqda
Diniy qo‘mita: Turli vizalar bilan Haj amallarini bajarishning imkoni yo‘q
Xitoyda avtomobil yo‘lining o‘pirilishi oqibatida kamida 24 kishi halok bo‘ldi
Liga 1. PSJ muddatidan oldin chempionlikni hal qildi
Harbiy xizmatdan qochgan 30 dan ortiq ukrainalik chegarani kesib o‘tishga urinib, halok bo‘ldi
O‘zbekistonga qarshi Indoneziyaning asosiy hujumchilaridan biri maydonga tusha olmaydi
O‘zbekistonda yashirin iqtisodiyotga qarshi kurashish rejalari ishlab chiqildi