Mart oyida kutilayotgan ob-havo ma'lumoti e'lon qilindi

Respublika Gidrometeorologiya xizmati boshlangan mart oyida kutilayotgan ob-havo ma'lumotini e'lon qildi.

Bu yil ham, Oʻzbekistonda fevral oyida ayrim kunlar bahoriy iliq boʻldi. Mart oyi ham harorat koʻtarilishi bilan boshlanadi. 1-4 mart kunlari havo harorati asta-sekin koʻtariladi va 4 martga kelib havo kunduzi 20-23° iliqgacha isiydi. Ushbu kunlarda asosan quruq ob-havo kutilmoqda, faqat respublikaning ayrim hududlarida 1 martda kunduzi va 2 martga oʻtar kechasi biroz yomgʻir yogʻishi mumkin.

5 martdan boshlab ob-havo yomonlasha boshlaydi. Respublika boʻyicha yomgʻir yogʻadi, momaqaldiroq boʻlishi, ba'zi joylarda kuchli shamol esishi va mart oyining birinchi oʻn kunligi uchun me'yorga yaqin qiymatlargacha havo harorati pasayishi mumkin.

Keyinchalik esa oy oxirigacha mart oyiga xos boʻlgan beqaror ob-havo kutilmoqda. Bahorning birinchi oyi harorat keskin oʻzgarishi bilan tavsiflanadi, bunda tez isish davrlari keskin sovuq davrlar bilan almashadi, ba'zida esa qisqa muddatga yomgʻir qorga aylanishi va kechasi harorat manfiy qiymatlargaga pasayishi bilan kuzatiladi.

Soʻnggi 50 yil ichida 1972 yilning mart oyi eng sovuq boʻlgan edi, hatto mart oyining uchinchi oʻn kunligida ham harorat kechalari 10-15° sovuqgacha pasaygan.

Soʻnggi yillarda Oʻzbekistonda mart oylari iliqlashdi. 2008, 2016, 2018 yillarning mart oyilari barcha kuzatuv yillari uchun eng iliq uchlikka kirdi. Mart oyining eng iliq kunlarida esa harorat 30-32° iliqgacha, janubda ba'zi joylarda 35-37° iliqgacha koʻtarilgan.

Oʻzbekistonda mart oyi yogʻingarchilik miqdori boʻyicha ham, yogʻingarchilik kunlari soni boʻyicha ham yilning eng yogʻingarchilik koʻp boʻladigan oyi deb hisoblanadi. Shimoliy hududlar va choʻl zonasini hisobga olmaganda, mart oyida oʻrtacha 10 kundan 15 kungacha yogʻingarchilik boʻladigan kunlar kuzatiladi.

Soʻnggi 10 yil ichida 2013 yil va 2014 yillarning mart oyilari eng koʻp yogʻingarchilik kuzatilgan yillar hisoblanadi. Ushbu yillarda, yomgʻir qorga aylanishi birinchi oʻn kunlikda tez-tez kuzatilgan, vaqti-vaqti bilan kuchli boʻlgan va ularning oylik miqdori bir yarim - ikki oylik me'yorgacha etgan.

Soʻnggi 25 yilda 1998 yilning mart oyi eng qorli boʻldi, bunda Toshkentda 9 kun davomida qor qoplami kuzatildi, uning maksimal balandligi esa 22 sm ni tashkil etgan. “Zamin” yangiliklarini “Telegram”da kuzatib boring