«Oʻzgidromet» 17 martda kuzatiladigan ob-havo ma'lumotini e'lon qildi

Respublika Gidrometeorologiya markazi 17 mart, payshanba kuni qanday ob-havo boʻlishini ma'lum qildi. Unga koʻra:

Toshkent shahrida havo oʻzgarib turadi, vaqti-vaqti bilan yomgʻir yogʻadi, momaqaldiroq boʻlishi mumkin. Shamol gʻarbdan 5-10 metr/sekund tezlikda esadi, momaqaldiroq vaqtida 12-15 metr/sekundgacha kuchayishi mumkin. Harorat kechasi 8-10 daraja iliq, kunduzi 15-17 daraja iliq boʻladi.

Qoraqalpogʻiston Respublikasi va Xorazm viloyatida havo oʻzgarib turadi, ba'zi joylarda yogʻingarchilik (yomgʻir, qor) boʻladi. Ba'zi joylarga tuman tushishi mumkin. Shamol gʻarbdan 7-12 metr/sekund tezlikda esadi, ba'zi joylarda 17-22 metr/sekundgacha kuchayishi mumkin. Harorat kechasi 0-5 daraja iliq, kunduzi 3-8 daraja iliq boʻladi.

Buxoro va Navoiy viloyatlarida havo oʻzgarib turadi, yomgʻir yogʻadi, ba'zi joylarda kuchli boʻladi, momaqaldiroq boʻlishi mumkin. Shamol gʻarbdan 7-12 metr/sekund tezlikda esadi, ba'zi joylarda 17-22 metr/sekundgacha kuchayadi, momaqaldiroq paytida shamol kuchayishi 25-28 metr/sekundgacha etishi mumkin. Harorat kechasi va kunduzi 5-10 daraja iliq boʻladi.

Toshkent, Samarqand, Jizzax, Sirdaryo viloyatlarida havo oʻzgarib turadi, ba'zi joylarda yomgʻir yogʻadi, momaqaldiroq boʻlishi mumkin. Shamol gʻarbdan 7-12 metr/sekund tezlikda esadi, ba'zi joylarda 17-22 metr/sekundgacha kuchayadi, momaqaldiroq paytida shamol kuchayishi 25-28 metr/sekundgacha etishi mumkin. Harorat kechasi 7-12 daraja iliq, kunduzi 13-18 daraja iliq boʻladi.

Qashqadaryo viloyatida havo oʻzgarib turadi, ba'zi joylarda yomgʻir yogʻadi, momaqaldiroq boʻlishi mumkin. Ba'zi joylarga tuman tushishi mumkin. Shamol gʻarbdan 7-12 metr/sekund tezlikda esadi, ba'zi joylarda 17-22 metr/sekundgacha kuchayadi, momaqaldiroq paytida shamol kuchayishi 25-28 metr/sekundgacha etishi mumkin. Harorat kechasi 10-15 daraja iliq, kunduzi 13-18 daraja iliq boʻladi.

Surxondaryo viloyatida havo oʻzgarib turadi, yogʻingarchilik kutilmaydi. Ba'zi joylarga tuman tushishi mumkin. Shamol gʻarbdan 7-12 metr/sekund tezlikda esadi, ba'zi joylarda 17-22 metr/sekundgacha kuchayadi. Harorat kechasi 10-15 daraja iliq, kunduzi 13-18 daraja iliq boʻladi.

Andijon, Namangan, Fargʻona viloyatlarida havo oʻzgarib turadi, yogʻingarchilik kutilmaydi. Ba'zi joylarga tuman tushishi mumkin. Shamol gʻarbdan 7-12 metr/sekund tezlikda esadi, ba'zi joylarda 15-20 metr/sekundgacha kuchayadi. Harorat kechasi 3-8 daraja iliq, kunduzi 13-18 daraja iliq boʻladi.

Respublikaning togʻli hududlarida havo oʻzgarib turadi, vaqti-vaqti bilan yogʻingarchilik (yomgʻir, qor), ba'zi joylarda kuchli boʻladi. Momaqaldiroq boʻlishi mumkin. Ba'zi joylarga tuman tushishi mumkin. Qor koʻchishi xavfi bor. Shamol gʻarbdan 7-12 metr/sekund tezlikda esadi, ba'zi joylarda 18-23 metr/sekundgacha kuchayishi mumkin Harorat kechasi 2-7 daraja iliq, kunduzi 5-10 daraja iliq boʻladi.

Ma'lumot uchun, Oʻzbekistonda mart oyi boshlaridan buyon yomgʻirli ob-havo davom etmoqda. «Oʻzgidromet» xabariga koʻra, 17—20 mart kunlari Oʻzbekiston hududiga Erondan iliq va nam havo, soʻngra Volgaboʻyi hududlaridan sovuq havo massasi kirib kelishi kutilmoqda. Kuchli yomgʻirlar sababli Oʻzbekistonning 9 ta viloyatida sel kelish xavfi e'lon qilingan. “Zamin” yangiliklarini “Telegram”da kuzatib boring