A Seriya 37-turida "Venetsiya" - "Roma" uchrashuvida 1:1 hisobi qayd etildi. Dastlab, ilk daqiqadayoq mezbonlar futbolchisi Okereke hisobni ochdi. 76-daqiqada hamyurtimiz Eldor Shomurodov gol urib, jamoasini mag‘lubiyatdan qutqarib qoldi.
Uchrashuvdan sng taniqli sharhlovchi Davron Fayziyev telegramdagi sahifasida murabbiy Shomurodovga imkon berish kerakligi haqida fikr bildirdi.
- Italiya A seriyasida "Roma" "Venetsiya"ni qabul qildi. O‘yinning 60-daqiqasida hisob 0:1 bo‘lib turganda Eldor Shomurodov zaxiradan maydonga tushdi. 76-daqiqada Shoma super-pas bilan Pellegrinini birga-bir chiqarib yubordi, darvozabon qutqardi. Qaytgan to‘pni Eldor kuchli zarba bilan darvozaga joyladi, 1:1. Bir ochko va durangdan so‘ng "Roma" jadvalda 6-o‘rinni egallab turibdi.
Italiya chempionati tugashiga bir tur qoldi va uni "Roma" mehmonda "Torino" bilan o‘tkazadi. "Venetsiya"ga qarshi "Roma"ning oxirgi uy o‘yini edi va Shomurodovning "Olimpiko"dagi mavsum yakunida gol urgani juda yaxshi bo‘ldi. Bu o‘zbek hujumchisining "Roma"dagi umumiy beshinchi goli.
26 may kuni "Roma" shuningdek, Konferensiyalar ligasi finalida "Feyenoord"ga qarshi o‘ynaydi. Uchrashuv 26 may kuni Albaniyada o‘tkaziladi. Mourino imkon bersa Shoma oqlaydi, - dedi sharhlovchi. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
KXDR yetakchisi dronlarni ommaviy ishlab chiqarishni yo‘lga qo‘yishni buyurdi
AQSH Isroilning ikki vaziriga sanksiya qo‘llamoqchi
Rossiya armiyasi Kupyanskka kirgani aytilmoqda
NATO bosh kotibi Ukrainaning frontdagi ahvoli yomonlashganini tan oldi
AQSH harbiylari orasida o‘z joniga qasd qilish ko‘paydi
Borrel YEIning Isroil bilan muloqotini to‘xtatishni taklif qildi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Erdo‘g‘on Turkiya Isroil bilan aloqalarini uzganini ma’lum qildi
