Trilogiya. Saul Alvares va Gennadiy Golovkin o‘rtasidagi uchinchi jang bo‘lib o‘tadi

Boks bo‘yicha super o‘rta vazn toifasi mutlaq chempioni Saul Alvares (57-2-2, 39 KO) navbatdagi jangini Gennadiy Golovkinga (42-1-1, 37 KO) qarshi o‘tkazadi. Bu haqida bokschining o‘zi ma’lum qildi.

- "Bizda Gennadiy Golovkin bilan jang qilish uchun tayyor shartnoma bor edi, shuning uchun boshlagan ishimizni davom ettiramiz. Menimcha, Golovkinga qarshi jang va Bivolga qarshi revansh boksdagi eng katta janglar. Ha, afsuski, mag‘lub bo‘ldik, ammo bu yana bir bor urinib ko‘rmaslik kerak degani emas. Sentabrda oyida qaytishga harakat qilamiz. Yaqin orada jang haqida e’lon qilamiz", - deydi Saul Alvares.

Xabarlarga ko‘ra, «Kanelo» va «GGG» o‘rtasidagi ushbu jang 17 sentabr sanasida bo‘lib o‘tadi. Shundan so‘ng Saul Alvares Dmitriy Bivolga qarshi revansh jangida ishtirok etadi.

Eslatib o‘tamiz, bu vaqtga qadar Saul Alvares va Gennadiy Golovkin ikki marta to‘qnash kelgan. Birinchi jang 2017 yil 16 sentabrida tashkil etilgan, unda durang qayd etilgan. Ikkinchi jang esa 2018 yil 15 sentabrda bo‘lib o‘tgan. Unda Saul Alvaresning qo‘li baland kelgan.

Alvares so‘nggi jangini 8 may kuni og‘ir vazn toifasida WBO kamari sohibi Dmitriy Bivolga (20-0, 11 KO) qarshi o‘tkazib, mag‘lub bo‘lgandi.

Gennadiy Golovkin esa 9 aprel kuni WBA chempioni yaponiyalik Riota Murata (16-2, 13 KO) bilan birlashtiruvchi jangda ringga ko‘tarilgan. Jangda qozog‘istonlik bokschi ustunlikka ega bo‘ldi va 9-raundda texnik nokaut evaziga g‘alaba qozongan. “Zamin” yangiliklarini “Instagram”da kuzatib boring