Levandovskining qayerda o‘ynashini karatechi xotini hal qiladi

Robert Levandovskining “Bavariya”dan ketishi deyarli aniq bo‘lib ulgurdi. Polshalik to‘purar o‘ziga mos jamoa topishi kerak.

Asosiy da’vogar sifatida “Barselona” e’tirof etilayotgan bo‘lsa-da, kataloniyaliklar moliyaviy inqiroz tufayli Levandovski transferini amalga oshira olmasligi ehtimoli oshib bormoqda.

Tabiiyki, Levandovski darajasidagi o‘yinchiga boshqa takliflar ham yetarli. Xususan, “Chelsi” bu hujumchini o‘z safiga qo‘shib olmoqchi.

Ma’lumotlarga qaraganda, Robertning rafiqasi Anna hujumchining Angliya klublari taklifini qabul qilishiga qarshi chiqmoqda. Levandovski o‘ziga jamoa tanlashda karatechi xotini istagini inobatga olishga majbur bo‘lyapti. “Zamin”ni Telegramʻda oʻqing!