Avstraliya U-23 bosh murabbiyi: "Biz Yaponiyaga qarshi o‘ynashdan mamnunmiz"

Ertaga mamlakatimizda davom etayotgan futbol bo‘yicha U-23 Osiyo kubogida 3-o‘rin uchun o‘yin bo‘lib o‘tadi.

Bugun “Bunyodkor” stadionida mazkur bahslar oldidan matbuot anjumani tashkil etildi. Unda Avstraliya terma jamoasi bosh murabbiyi Trevor Morgan va futbolchi Joshua Roulins ishtirok etib, Yaponiya U-23 jamoasiga qarshi kechadigan o‘yin oldidan o‘z fikrlarini bildirib o‘tdi.

Murabbiy: - Biz Yaponiyaga qarshi o‘ynashdan mamnunmiz. Ular hujumkor va chiroyli o‘yin ko‘rsatishadi. Bu kabi jamoalar bilan maydonda kuch sinashish qiziqarli bo‘lib kelgan. Raqibimiz texnik futbol ko‘rsatadi. Ular rivojlangan va rivojlanishda davom etmoqda.

Biz o‘z o‘yinimizni ko‘rsatishga harakat qilamiz. Raqibning zaif tomonlariga kamroq e’tibor qaratamiz. Bu oxirgi bahs va unda kuchimizni ko‘rsatishimiz kerak.

Milliy jamoada o‘ynashni istagan futbolchilar mazkur bahsda o‘zini ko‘rsatishi kerak. Keraksiz uchrashuvlar bo‘lmaydi. Har bir bellashuv biz uchun qadrli.

Futbolchi: - Maydonda g‘alaba uchun maydonga tushamiz. Har safar bizning maqsadimiz shunday bo‘ladi. Ba’zida reja amalga oshadi, ba’zida esa... Yarim final tugadi. Endi biz bronza medallari haqida o‘ylashimiz kerak. “Zamin” yangiliklarini “Twitter”da kuzatib boring