Luisma Ernandes: "Natijadan ko‘nglim to‘ldi. Shartnomamda legioner olmaslik borasida band bor"

Superliganing 12-turidan o‘rin olgan "Navbahor" – "Metallurg" (0:0) uchrashuvidan so‘ng mehmonlar bosh murabbiyi Luisma Ernandes matbuot anjumanida ishtirok etdi.

O‘yin haqida
- Albatta, muxlislarga to‘la stadionda o‘ynash biz uchun biroz qiyin bo‘ldi. Lekin, biz bu o‘yinga juda kuchli tayyorgarlik ko‘rgandik. Himoyada ham ishonchli o‘yin ko‘rsatishga bel bog‘lagandik. O‘ylashimcha, juda yaxshi o‘yin bo‘ldi. O‘z o‘yinchilarim ko‘rsatgan o‘yindan mamnunman.

- Durang adolatli natija bo‘ldi deb o‘ylaysizmi?
- O‘ylashimcha, bu o‘yin muvozanat ostida o‘tdi. To‘p nazorati va imkoniyatlar yaratish bo‘yicha "Navbahor" ustunlikka erishdi. Himoyada zich o‘yin ko‘rsatdik. Fikrimcha, ikkala jamoa ham teng o‘yin ko‘rsatdi.

- Natijadan qoniqdingizmi?
- Bugungi o‘yindan mamnunman. Bizda bir necha imkoniyatlar ham yuzaga keldi. Ammo gol ura olmadik. Natijaga keladigan bo‘lsak, ko‘nglim to‘ldi.

- "Metallurg" tarkibida bugun eng yaxshi o‘yin ko‘rsatgan o‘yinchilardan biri bu darvozabon bo‘ldi. Akmal Ortiqov asli namanganlik hisoblanadi. Bu Akmalga ushbu o‘yinda ko‘shimcha ishtiyoq berdi deb o‘ylaysizmi? Umuman, o‘yinga darvozabon tanlash jarayoni qanday bo‘ldi?
- Akmal bilan bir yildan beri ishlab kelmoqdamiz. Bugun uning o‘yinidan qoniqdim. Ushbu o‘yinda maydonga tushish navbati Akmal Ortiqovga kelgandi. Aynan shuning uchun ham uni asosiy tarkibda maydonga tushirdim.

- Jamoaning psixologik holati yaxshi ekanligi sezilmoqda. Akmal Ortiqov va Zabihullo O‘rinboyev bugun ajoyib o‘yin ko‘rsatishdi. Sizga o‘yin uchun rahmat.
- Barcha ijobiy fikrlar uchun sizga rahmat. Jurnalistlar orasida ayol kishining borligi juda yoqimli.

- Ikkinchi davra oldidan qaysi pozitsiyalarni kuchaytirmoqchisiz?
- Yil boshida tuzilgan shartnomamda legioner olmaslik borasida band bor. Shu sabab ham, shu paytgacha faqat mahalliy futbolchilar bilan ishlab keldik. Birinchi davradan so‘ng tarkibimizga yangi futbolchilar kelib qo‘shilish ehtimoli bor. Xabaringiz bor, "Metallurg" klubida "Real Madrid" fondi qoshidagi akademiya ham faoliyat yuritadi. Kelajakda aynan shu akademiya bilan hamkorlik qilib, o‘zbek futboliga yaxshi o‘yinchilar yetkazib berish niyatimiz bor. “Zamin” yangiliklarini “Twitter”da kuzatib boring