“Roma” hujumchisi Eldor Shomurodovga A Seriya vakili – “Sampdoriya” qiziqayotgani haqida xabarlar tarqatilgan edi. Genuya klubi sport direktori Daniele Fadjiano o‘zbek futbolchisi haqidagi xabarlarga munosabat bildirdi.
- Bizdan “Sampdoriya” Shomurodovni olmoqchi ekani haqida so‘rashmoqda. Hozircha, bunday rejamiz yo‘q, - dedi Daniele Fadjiano.
Shunga qaramay, o‘zbek futbolchisining xaridorlari soni kun sayin ortib bormoqda. So‘nggi ikki kun ichida “Sassuolo”, “Bolonya”, “Torino”, “Monsa” kabi klublar Shomurodovga da’vogarlik qilayotgani haqida xabarlar tarqatilmoqda. Bu klublarning aksariyati “Roma” hujumchisini olishga harakat qilayotganini tasdiqladi. Ular orasida poytaxt klubga transferni so‘rab, murojaati qilganlari bor.
Eldor Shomurodov o‘tgan mavsum barcha turnirlarda 40 ta uchrashuv o‘tkazib, o‘z hisobiga beshta gol va oltita assist rasmiylashtirdi. Rim klubi bilan 2026 yilning yarmigacha shartnomaga ega bo‘lgan futbolchimiz sakkiz million yevroga baholanmoqda.
Shomurodovga xaridor klublarning aksariyati uni keyinchalik sotib olish huquqi bilan bir mavsumga ijaraga olmoqchi.
“Roma” hujumchisi boshqa jamoaga o‘tadi
Joze Mourinoga kerak bo‘lmay qolgan futbolchilardan Karles Peres ham o‘ziga yangi jamoa qidirmoqda.
“Barselona” tarbiyalanuvchisi tez orada yurtiga qaytib ketishi mumkin. Ma’lumotlarga qaraganda, “Selta” klubi hujumkor futbolchini qo‘lga kiritishga yaqin turibdi.
Peresga boshqa klublardan ham chorlov bo‘lgani aytilmoqda. Lekin o‘yinchining o‘zi Vigoga yo‘l olmoqchi.
“Roma” murabbiylar shtabi xuddi Eldor Shomurodov singari Karles Peresni ham “Tottenxem”ga qarshi o‘rtoqlik o‘yiniga jalb etmadi.
Karles faoliyati davomida jami 168 marta maydonga tushib, raqiblar darvozasini 33 marotaba ishg‘ol qilgan va jamoadoshlariga 21 ta golli pas uzatgan.
“Roma” o‘yinchisiga narx qo‘ydi
Yozda “Roma”ni tark etishi kutilayotgan Jordan Veretu bir necha klub o‘rtasida talash bo‘lmoqda.
Italiya matbuotining yozishicha, fransiyalik legionerni kamida uchta jamoa talashmoqda. Birinchi navbatda, “Yuventus” jarohatlanib, uzoq muddatga safdan chiqqan Pol Pogba o‘rniga uning Fransiya terma jamoasidagi o‘rinbosari hisoblangan Veretuga ish taklif qilmoqchi.
“Milan” klubi Renato Sanshesh yoki Chukvemekini qo‘lga kirita olmagan taqdirda Jordanga e’tibor qaratadi. Shuningdek, “Marsel” klubi ham anchadan beri tajribali yarim himoyachini o‘z safiga qo‘shib olishga harakat qilmoqda.
“Roma” mutasaddilari Jordan Veretuni 12 million yevroga baholagan. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Pashinyan Armanistonning Mustaqillik deklaratsiyani eng katta muammo va fojia deb atadi
Jo Bayden: “Ba’zan xotinim meni kosmosga jo‘natish bilan tahdid qiladi”
Yaxshi pishgan va mazali anor tanlashga yordam beradigan tavsiyalar
Har qanday katta yoshdagi kishi yetuk emas
Rossiyalik deputat: «Oliy ma’lumotlilarning kurerlik qilishi — vatanparvarlikka zid»
Kreml Ukraina bo‘yicha muzokarada shartlar qo‘yishga urinmoqda
Blinken Isroildan uchta muammoni hal etishni talab qildi
Apple dongdor ikki ayfonini rasman eskirgan deb e’lon qildi
